Eala pasok sa 2nd round ng W15 Manacor Leg 2
- Published on February 1, 2021
- by @peoplesbalita
Kahit mayroong anim na International Tennis Federation (ITF) women’s singles title ang kanyang kalaban ay hindi nasindak si Alex Eala.
Pinatalsik ng Pinay tennis sensation si No. 2 seed Mirjam Bjorklund ng Sweden, 6-4, 3-6, 6-3, sa se-cond leg ng W15 Manacor ITF Rafael Nadal Academy World Tennis Tour sa Mallorca, Spain.
Naisuko man ang second set ay inangkin naman ni Eala ang third set para sibakin ang 22-anyos na si Bjorklund, ang ITF No. 250 at Women’s Tennis Association (WTA) No. 315 ranked player.
Ito ang ikalawang professional women’s singles tournament ng 15-anyos na si Eala, ang ITF No. 1670 at WTA No. 1190 ranked netter, ngayong taon.
Kamakailan ay nagreyna ang iskolar ng Rafa Tennis Academy sa first leg ng W15 Manacor makaraang hiyain ang 28-anyos na si World No. 409 Yvonne Cavalle-Reimers, 5-7, 6-1, 6-2, sa finals.
Naglalaro bilang isang Junior Reserve sa torneo, haharapin ni Eala si home bet Alba Carrillo Marin sa second round.
Kasalukuyang ITF World No. 56 ang 24-anyos na si Carrillo Marin na sinilat ni Eala, 6-1, 7-6, sa isang torneo noong Nobyembre ng 2020.
Dahil sa panalo kay Bjorklund ay kumpiyansa si Eala na tatalunin din niya si Carrillo Marin papasok sa quarterfinals ng torneo.
-
Lahat ng 10 Pres’l candidates, nakaboto na; Sen. Ping Lacson, ‘early bird’
BAGO pa man mag-tanghali kanina, nakaboto na ang lahat ng 10 kandidato sa pagka-Pangulo. Nabatid na si Sen. “Ping” Lacson ang pinakaunang bumoto sa presidentiables kung saan alas-7:00 pa lamang kaninang umaga nang magtungo ito sa kanilang presinto sa Imus, Cavite. Narito pa ang mga Presidential candidate na nakapagsumite na ng […]
-
Higit 1.5K personnel, ipinakalat para bantayan ang buhos ng trapiko sa NLEX ngayong holiday season
INANUNSYO ng pamunuan ng NLEX-SCTEX ang plano nitong pagdaragdag ng mga tauhan na siyang magbabantay sa bugso ng mga motorista sa NLEX ngayong holiday season. Ito ay bahagi pa rin ng pagpapatupad ng “Safe Trip Mo, Sagot Ko” motorist assistance program. Ang karagdagang 1,500 personnel ang ipakakalat naman simula bukas December […]
-
Pagbabasbas at inagurasyon ng greenhouse facility sa NavotaAs Homes I – Brgy. Tanza 2
PINANGUNAHAN ni Mayor John Rey Tiangco, kasama sina Department of the Interior and Local Government Undersecretary Marlo Iringan at National Capital Region Assistant Regional Director Ana Lyn Baltazar-Cortez, ang pagbabasbas at inagurasyon ng greenhouse facility sa NavotaAs Homes I – Brgy. Tanza 2 na karagdagan pagkukunan ng sariwa at organic na ani ng gulay ng […]