2 arestado sa baril at shabu sa Valenzuela
- Published on February 11, 2021
- by @peoplesbalita
Rehas na bakal ang kinasadlakan ng dalawang hinihinalang drug personalities matapos makuhanan ng baril at P68,000 halaga ng shabu sa magkahiwalay na operation ng pulisya sa Valenzuela City.
Sa report ni Valenzuela police chief Col. Fernando Ortega kay Northern Police District (NPD) Director P/BGen. Nelson Bondoc, dakong 11:40 ng gabi nang i-served ng mga tauhan ng Valenzuela Police Station Intelligence Section (SIS) sa pangunguna ni P/Major Marissa Arellano ang isang search warrant para sa paglabag sa RA 10591 sa No. 4052 Tiago St. Brgy Mapulang Lupa na nagresulta sa pagkakaaresto kay Erwin Gutierrez alyas “Erwin Cute”, 43.
Narekober ng mga pulis sa suspek ang isang cal. 38 revolver na kargado ng isang bala, black holster, rolled aluminum foil, patalim at isang plastic sachet na naglalaman ng nasa 5 gramo ng hinihinalang shabu na tinatayang nasa P34,000 ang halaga.
Nauna rito, alas-11 ng gabi nang masakote ng mga operatiba ng Station Drug Enforcement Unit (SDEU) sa pangunguna ni PLT Robin Santos sa ilalim ng pangangasiwa ni Col. Ortega sa buy-bust operation sa C Santiago St. Dalandanan si Manuelito Lopez, alyas “Willy”, ng Suha St. Kabesang Imo St. Balangkas.
Nakuha kay Lopez ang nasa 5 gramo ng hinihinalang shabu na tinatayang nasa P34,000 ang halaga, buy bust money, P620 cash, cellphone at sling bag.
Mahaharap ang mga naarestong suspek sa kasong paglabag sa RA 9165 (Comprehensive Dangerous Drug Act of 2002) habang madagdagan ng kasong paglabag sa RA 10591 (Comprehensive Firearms and Ammunition Act) si Gutierrez. (Richard Mesa)
-
Nagsimula na ang workshop para sa kanilang movie: SHARON at ALDEN, tuloy na ang pagtatambal at gaganap na mag-ina
TULOY na tuloy na ang first time na pagtatambal nina Megastar Sharon Cuneta at Asia’s Multimedia Star Alden Richards. Si Sharon ang nag-post sa kanyang Facebook at Instagram ng: “My new movie is under Cineko Productions and Direk @directfromncn with a script by Mel del Rosario – co-starring my new movie son, the […]
-
Pinas, kaisa ng Ukraine sa pahahanap ng kapayapaan
NAKIISA si President Ferdinand Marcos Jr. kay Ukrainian President Volodymyr Zelenskiy sa hangarin ng huli na “search for peace” sa gitna ng pag-atake ng Russia sa Ukraine. Ang pangako na ito ni Pangulong Marcos ay nangyari sa isang phone call kay Zelenskiy. “I had the pleasure of talking to Ukrainian President […]
-
MOU para i-to develop ang New Clark City kabilang sa tinintahan ng Pinas, Singapore
KAPWA pinirmahan ng Pilipinas at Singapore ang iba’t ibang memoranda of understanding (MOU) at agreements sa isinagawang state visit ni Pangulong Ferdinand Marcos Jr. sa Singapore. Maliban sa MOU sa digital cooperation, data protection at recruitment ng mga Filipino healthcare workers, ang iba pang kasunduan na nilagdaan ay ang kolaborasyon ng “business opportunities” […]