DepEd, pinalawig ang school year hanggang Hulyo 10, 2021
- Published on March 4, 2021
- by @peoplesbalita
Pinalawig ng Department of Education ang school year para sa basic education level sa Hulyo 10.
Sa isang kautusan, sinabi ni Education Sec. Leonor Briones na natukoy ng kagawaran ang mga learning gaps sa mga estudyante matapos ang patuloy nilang pag-monitor sa implementasyon ng distance learning.
Maliban dito, bibigyan din ng karagdagang instructional time ang mga guro para sa iba’t ibang learning delivery modalities.
“These learning gaps are attributable to reduced academic opportunities at home and substantial loss of live contact with teachers,” wika ni Briones.
Sang-ayon sa kautusan, inurong ng DepEd ang third grading period sa Mayo 15 mula sa Marso 22, habang ang fourth quarter ay sa Hulyo 10 mula sa Mayo 17.
Nagtapos noong Pebrero 27 ang second quarter.
Orihinal namang itinakda ang pagtatapos ng school year sa Hunyo 11.
Mula Marso 1 hanggang 12, magsasagawa ang mga paaralan ng intervention at remediation activities para sa mga mag-aaral.
Sa Marso 15 hanggang 19 naman, dadalo sa isang professional development program na inorganisa ng mga eskwelahan o iba pang mga kaukulang units ng DepEd ang mga guro.
Saklaw sa bagong polisiya ang lahat ng mga pampublikong elementarya at sekondaryang paaralan sa buong bansa.
Samantala, ang mga pribadong eskwelahan, technical and vocational institutions, at higher education institutions na nag-aalok ng basic education ay hinihikayat lamang na ipatupad ang guidelines ng ahensya.
Hindi naman tiyak sa ngayon kung paiiklin ng bagong polisiya ang summer break ng mga estudyante. (Daris Jose)
-
Halle Berry’s Action Vehicle ‘Moonfall’ New Trailer Reveals an Interstellar Plan to Save the Earth
Halle Berry action vehicle Moonfall new trailer has just released. The film tells the story of an unlikely team of individuals who are tasked with saving the Earth when the moon is knocked off its orbit and comes hurtling towards earth. Directed by Roland Emmerich, who is known for directing many sci-fi epics like Independence Day and The […]
-
DILG magpapalabas ng guidelines ukol sa pre-campaign period activities
MAGPAPALABAS ang Department of the Interior and Local Government (DILG) ng guidelines sa local government units (LGUs) hinggil sa mga aktibidad ng electoral candidates bago pa magsimula ang campaign period sa Pebrero ng susunod na taon. “Ako mismo maglalabas ako ng guidelines para sa mga LGUs ano ‘yung mga panuntunan kapag may caravan at […]
-
Grab sa TNVS: ‘Inactive’ drivers, alisin sa master list
PINAKIUSAPAN ng ride-hailing giant na Grab ang Land Transportation Franchising and Regulatory Board (LTFRB) na alisin sa master list nito ng transport network vehicle service (TNVS) drivers ang mga inactive na miyembro. Sinabi ni Grab president Brian Cu na tinatayang higit sa 5 milyong tao ang magbo-book ng biyahe sa buong Metro Manila sa […]