Abueva, Banchero palitan patas – Victolero, Robinson
- Published on February 20, 2021
- by @peoplesbalita
PASOK si Calvin Abueva sa small-ball rotation ng Magnolia Hotshots, may back-ap na si Matthew Wright sa Phoenix Super LPG sa 46th Philippine Basketball Association (PBA) Philippine Cup 2021 sa parating na Abril 9.
Pasado sa pro league trade committee ang swap kamakalawa na naghatid sa The Beast sa Pambansang Manok buhat sa Fuel Masters kapalit ni Chris Banchero. Nagpalitan din ng picks sa 36 PBA Draft 2021 sa Marso 14 ang magkabilang kampo.
Dinakma ng panluto ang No. 6 pick ng manok, No. 10 selection na ang manok na isinama rin sa package ang No. 18 pick nila.
Kapwa tinawag nina coaches Ercito ‘Chito’ Victolero ng manok at Christopher ‘Topex’ Robinson na parehong panalo sa isa’t isang kani-kanilang kampo. Parehas anila ang palitan.
“Very excited ako kasi he can play multiple positions and ‘yung posisyon na kulang, 3, 4, big man na p’wede kong gawing small, ‘yun ang ma-a-add ni Calvin,” hirit na reaksiyon kahapon Victolero. “I think he can play the 2, 3, 4 positions.”
Maaari nang mag-iba-iba ng diskarte ang Hotshots.
“So magiging versatile team ko,” dugtong ng Magnolia coach. “We can play small, we can play big.”
Sa ensayo pa lang mataas na ang enerhiya ni Abueva, lalo na pagdating sa laro. Binawasan ng Pambansang Manok ang backcourt, natira na lang sina Paul John Lee, Mark Andy Barroca, Jiovanni ‘Jio’ Jalalon at Justin Melton.
Reunion ang kaganapan para kina Abueva at Ian Sangalang, kasama si Ronald Pascual na kilalang Pinatubo Trio ng San Sebastian Stags nang manalasa sa nakalipas na dekada sa National Collegiate Athletic Association (NCAA).
Mga taga-Pampanga ang tatlo, sabay-sabay ring nag-pro noong 2012 pero hanggang 2018 lang si Pascual. (REC)
-
Pulis tinodas ng riding in tandem sa Caloocan
ISANG pulis ang nasawi matapos pagbabarilin ng hindi kilalang riding in tandem na mga suspek sa Caloocan City, kamakalawa ng gabi. Dead-on-the-spot sanhi ng tinamong tama ng mga bala sa katawan ang biktima na kinilalang si PCpl Ruben Tan, 28, nakatalaga sa Sta. Quiteria Police Sub-Station (SS-6) ng Caloocan City Police at residente […]
-
FACESHIELD MANADATORY SA MGA KAWANI NG NAVOTAS
IPINAG-UTOS ni Navotas City Mayor Toby Tiangco na mandatory na ang pagsusuot ng face shield sa lahat ng mga empleyado ng pribadong kumpanya pati na rin sa mga kawani ng local na pamahalaan. Sinabing alkalde na maliban sa pagsusuot ng face mask, karagdagang safety measuresdin ang pagsusuot ng face shield, hindi lamang para sa […]
-
‘Balik Probinsya’ ipinakilala ang bagong website, application process
INANUNSYO ng Balik Probinsya, Bagong Pag-Asa (BP2) program na opisyal na papalitan na nito ang kanyang website sa www.balikprobinsya.nha.gov.ph simula Abril 22, kung saan ay hindi na magiging available ang kasalukuyang www.balikprobinsya.ph Sa ilalim ng bagong sistema, mapabibilis ng gobyerno ang aplikasyon para sa BP2 program sa tatlong paraan: “through the applicants’ respective […]