Administrasyong Marcos, prayoridad ang food security
- Published on June 20, 2022
- by @peoplesbalita
GAGAWIN lahat ng incoming administration ni President-elect Ferdinand “Bongbong” Marcos Jr. ang makakaya nito at pagsisikap upang matiyak ang food security sa bansa.
Ito’y matapos magbabala ang World Bank, World Trade Organization, United Nations Food and Agriculture Organization, at World Food Programme ng global food crisis na makaaapekto sa mahihirap at developing countries.
Sa isang kalatas, tiniyak ni Press Secretary-designate Beatrix Rose “Trixie” Cruz-Angeles sa publiko na ang administrasyong Marcos ay handa na patatagin ang food supply at paghusayin ang food production.
“Gaya nang nasabi na ni President-elect Marcos, mangangailangan ‘yan ng agarang tugon, at dapat agaran ding simulan ang pangmatagalang mga solusyon,” ayon kay Cruz-Angeles.
Kinilala naman ni Cruz-Angeles ang patuloy na nananaig na coronavirus disease 2019 (Covid-19) pandemic, Russia-Ukraine crisis, climate change, at mataas na presyo ng langis ay kabilang sa mga dahilan ng global food insecurity.
Sinabi pa nito na ang ibang bansa na maaapektuhan ng nagbabadyang food shortage ay maaaring mapilitan na i-adopt ang mga hakbang na ginawa noong 2007-2008 global food crisis, kabilang na ang restriksyon sa food exports, tugunan ang problema.
Inamin nito na isang malaking hamon para sa Pilipinas na gawin ang kahalintulad na aksyon.
“May mga bansang mapipilitang magsuspinde ng export ng kanilang produkto upang matiyak ang sarili nilang suplay ng pagkain at agapan ang pagtaas ng domestic prices sa gitna ng pagsipa ng world prices,” ayon kay Cruz-Angeles. (Daris Jose)
-
CZECH REPUBLIC, KASAMA NA RIN SA TRAVEL RESTRICTION
KASAMA na rin ang Czech Republic sa listahan ng mga bansa sa travel restriction, ayon sa Bureau of Immigration (BI) Ito ang sinabi BI Commissioner Jaime Morente sa isang advisory kung saan magsisimula ang travel restriction 0001H ng Enero 28 hanggang sa katapusan ng buwan. “We have received a directive expanding the […]
-
Huling post nang hamunin si Sen. Bato Dela Rosa: GRETCHEN, baka may pinagdaraanan kaya nag-deactivate ng IG account
KUNG hindi kami nagkakamali, ang huling Instagram post ni Gretchen Barreto ay nang hamunin nito si Senator Bato dela Rosa. Hinamon ni Gretchen si Bato na sabihin lang daw nito kung saan at kailan at dadalhin niya ang ebidensiya na ito ay totoo namang tumataya sa online o e-sabong. ‘Yun nga […]
-
Gilas Pilipinas nahaharap sa hamon dahil sa mga pagkaka-injury ng mga players
NAHAHARAP ngayon sa isang hamon ang Gilas Pilipinas ilang araw sa pagsisimula ng panibagong windowsng FIBA Asia Cup. Ito ay matapos na magtamo ng ankle injury si RJ Abarrientos habang nagpa-praktis. Ayon kay Gilas coach Chot Reyes, na kanilang oobserbahan pa ang 5-foot-11 na si Abarrientos kung tuluyang gagaling ang natamong […]