ADMISSION SA NAVOTAS HOSPITAL LILIMITAHAN
- Published on September 14, 2021
- by @peoplesbalita
DAHIL sa kakulangan ng medical staff matapos maapektuhan ng COVID-19, kinailangan limitahan muna ang admission ng mga pasyente sa Navotas City Hospital (NCH) simula September 11 hanggang September 30, 2021.
Kaya naman humihingi ng pang-unawa ang Lokal na Pamahalaan ng Navotas sa pamumuno ni Mayor Toby Tiangco dahil sa kasalukuyang sitwasyon ng NCH at anumang abalang maidudulot nito.
Ayon sa City Health Department, inisyal check-up lang muna ang kailangan gagawin sa mga bagong pasyenteng dadalhin sa NCH at kung kailangan ilipat ang pasyente sa ibang hospital ay kailangan i-coordinate ito ng NCH sa ibang ospital.
Sa kasaluyan ay level 1 ang status ng NCH kaya limitado ang mga serbisyong maibibigay nito tulad na lamang ng ICU.
Ganunman, sinisikap ng mga medical frontliners na maibigay ang pag-aalagang kailangan ng mga pasyente.
Ani Mayor Tiangco, nakalulungkot isipin na ilang mga kawani ng NCH ang kailangan ma-quarantine o i-isolate matapos maapektuhan ng naturang sakit.
Patuloy naman ang pakiusap ng alkalde sa lahat ng may edad 18 pataas na magpabakuna na upang maiwasan na magkaroon ng malalang kondisyon ng COVID-19.
“Mahawaan man tayo, di tayo magkakaroon ng severe o critical COVID at mangangailangan na dalhin sa ospital. Hindi po simpleng ubo o sipon ang COVID. Nakamamatay po ito. Wag po nating hintayin na magkasakit tayo o ang ating mga mahal sa buhay,” pahayag niya. (Richard Mesa)
-
PBBM, itinalaga si Imelda Papin bilang acting member ng PCSO board
ITINALAGA ni Pangulong Ferdinand Marcos Jr. si Imelda Papin, tinaguriang Asia’s Sentimental Songstress bilang acting member ng Board of Directors ng Philippine Charity Sweepstakes Office. Nanumpa sa kanyang tungkulin si Papin sa harap ni Pangulong Marcos, araw ng Martes, Hunyo 4. Matatandaang, buwan ng Abril nang umugong ang balita na itatalagang […]
-
South Korea dedesisyunan ng FIBA
DEDESISYUNAN ng International Basketball Federation (FIBA) ang ipapataw nito sa South Korea matapos itong mag-withdraw sa 2023 FIBA World Cup Qualifiers. Pormal nang natanggap ng FIBA ang sulat ng Korea Basketball Association (KBA) bilang paliwanag sa biglaan nitong pag-withdraw sa qualifiers na ginaganap sa Smart Araneta Coliseum. “FIBA was informed by […]
-
SolGen, naghain ng gag order sa SC vs ABS-CBN
Hiniling kahapon, Pebrero 18 ng Office of the Solicitor General (OSG) Supreme Court na mag-isyu ng gag order para pigilan ang sino mang partido o personalidad mula sa ABS-CBN na maglabas ng kanilang statement o talakayin ang quo warranto petition kaugnay ng franchise case ng TV network. Depensa ni Solicitor General Jose Calida, ang […]