After six years, dumating na ang ‘right time’… FAITH, inalala na nag-audition noong 2016 sa ‘Encantadia’ pero ‘di nakuha

THANKFUL ang DragRace PH season 1 contestant na si Turing na napasama siya sa ‘Black Rider’ bilang pag-represent niya sa LGBTQIA community sa naturang serye.

Hindi raw glamourised drag queen ang role ni Turing, kundi tindera siya sa palengke named Cherry Pie kunsaan lagi niyang kasama sa eksena si Yassi Pressman at Ms. Rio Locsin.

“Halos lahat ng eksena ko ay kasama si Yassi at Ms. Rio. Ang babait nila at ang huhusay umarte. This is my first time na umarte sa isang teleserye at napaligiran pa ako ng mga magaganda at magagaling na artista,” sey ni Turing.

Ikinatutuwa pa ni Turing na nabibigyan na ng chance na napanood sa TV at pelikula ang mga sisters niya sa mundo ng drag para maipakita nila ang iba pa nilang talent.

“Mas nakikilala na kami as actors. Tulad ni Eva LeQueen na nakasama sa ‘The Write One’. Si KaladKaren naman nanalo ng award sa pelikula. Ang bongga lang kasi di lang kami mga drag queens, kaya na rin namin sumabay sa pag-arte.”

***

ITINUTURING na “right time” ni Faith Da Silva ang pagkakataon na ibinigay sa kanya na mapabilang sa isa sa mga bagong henerasyon ng Sang’gre.

Inalala ni Faith ang naging audition noong 2016 sa ‘Encantadia’ para sa karakter ni Mira, anak ni Sang’gre Pirena, kung saan hindi siya pinalad na makuha.

“During Encantadia 2016, I auditioned for the role of Mira, anak din po ni Glaiza de Castro and hindi ako nakuha for that. Pero kasi I saw the audition and nakita ko si Kate [Valdez] na talagang… para sa kanya talaga iyon. Pero hindi ko alam na after six years magkakaroon din pala ng isang karakter na anak din ni Glaiza de Castro.”

Sa continuation ng iconic telefantasya ng GMA na Encantadia, gaganap si Faith bilang Sang’gre Flamarra, anak ni Sang’gre Pirena at ang magmamana ng Brilyante ng Apoy.

Ngayon pa lamang ay excited na si Faith para sa napakalaking proyekto at puspusan na rin ang ginagawa niyang paghahanda kasama ng iba pang bagong mga Sang’gre na sina Bianca Umali, Kelvin Miranda, at Angel Guardian.

“Unang-una sa lahat ‘yung excitement talaga hindi nawawala. For sure, hindi lang sa akin kung hindi the rest of the cast.

“Kami ni Angel, nagkausap kami recently and we were talking about how big of a responsibility this is for us. Hindi lang sa mga Sang’gre, sa aming apat, kung hindi sa buong team because it is such a big project.

“Alam ko maraming nag-abang, six, seven years ang hinintay ng ating mga Kapuso. Alam kong marami po talagang supporters ang Encantadia. We will make sure na kung ano po ‘yung ibibigay namin sa inyo is a quality project and a quality performance.”

***

KASAMA na si Lea Salonga at Fil-American actor Dante Basco sa voice cast para sa season 2 ng hit animated children’s series na ‘Firebuds.’

Ang pangalan ng character ni Lea ay Yolanda, samantalang Caesar Bayani ang kay Dante.

Makakasama pa nila ang iba pang Fil-Am actors na sina Lou Diamond Phillips and Vivian Vencer.

Ayon sa Fil-Am writer na si Krystal Banzon na sa story editors: “The show teaches everyday heroism and features the adventures of the children of first responders and their talking vehicles. The success of “Firebuds” has spawned toy lines, Halloween costumes for kids, and a digital soundtrack.”

Hindi lang daw makapag-promote ang mga actors ng show dahil sa ongoing Screen Actors’ Guild, or SAG-AFTRA strike.

(RUEL J. MENDOZA)