Alert Level 0′ , posible kung ang COVID-19 ay magiging endemic —Densing
- Published on March 12, 2022
- by @peoplesbalita
POSIBLENG ipatupad ang “Alert Level 0” status kung idedeklarang endemic ang COVID-19 sa bansa.
Sa Laging Handa public briefing, sinabi ni Department of the Interior and Local Government (DILG) Undersecretary Epimaco Densing III na ang alert status ay puwedeng ihatol kung ang COVID-19 ay hindi na nakakaapekto sa buong bansa.
“Ang isang importante na mangyayari ay kailangan ma-declare na endemya na itong COVID-19″ ,” ayon kay Densing.
“Kapag sinabi nating endemya na nagdeklara ibig sabihin ordinaryong sakit na lang ito na kakaharapin natin sa araw-araw at hindi na siya nakakaapekto sa buong bansa,” dagdag na pahayag nito.
Aniya, ang porsyento ng COVID-19 cases ay dapat na kahalintulad ng porsyento ng ordinaryong flu cases.
Kapag na-accomplished na aniya ang National Action Plan Phase 5 ng pamahalaan sa ilalim ng Alert Level 0, sinabi ni Densing na ang National Task Force Against COVID-19 ay awtomatikong mababasura.
Idagdag pa na ang tanging pananatilihin lamang ng pamahalaan ay ang Inter-Agency Task Force for the Management of Emerging Infectious Diseases.
Sa nasabing status, pangungunahan ng lokal na pamahalaan ang policy-making at management ng COVID-19 cases.
Gayunman, sinabi ni Densing na hindi pa makapagbigay ng detalye ang pamahalaan ukol sa Alert Level 0, dahil kino-kompleto pa nito ang National Action Plan Phase 5 na sakop ang economic recovery ng bansa mula COVID-19.
Bukod pa, sinabi rin nito na dapat na ipatupd ang Alert Level System dahil ang Pilipinas ay nasa ilalim ng state of calamity hanggang Setyembre12.
Araw ng Huwebes nang sabihin ni Health Secretary Francisco Duque III na pinag-aaralan na ng gobyerno ang posibilidad na mas lalo pang pagaanin ang COVID-19 status sa bansa at ilagay ito sa Alert Level 0. (Daris Jose)
-
Sobrang na-touch dahil sa pa-block screening: ‘Rewind’ nina MARIAN at DINGDONG, blockbuster at balitang naka-368 million na
SUPER-TOUCHED sina Marian Rivera at Dingdong Dantes sa pa-block screening ng mga may-ari ng Nailandia nail spa and salon ng pelikula nilang ‘Rewind’. Bukod kasi sa endorser si Marian ng Nailandia sa halos mahigit sampung taon na ay hindi na matatawaran ang pagkakaibigan nina Marian at Nailandia owner Noreen Divina. Kaya naman as […]
-
Duterte idepensa vs ’ICC probe sa drug war’
PINANGUNAHAN ni dating Pangulo at ngayo’y House Senior Deputy Speaker Gloria Macapagal Arroyo at 18 pang mambabatas ang nagkakaisang panawagan sa Kamara para suportahan at ipagtanggol si dating Pangulong Rodrigo Duterte sa posibleng imbestigasyon ng International Criminal Court (ICC) kaugnay ng umano’y madugong giyera kontra droga sa panahon ng termino nito. Ipinunto ni […]
-
Alert Level System ipatutupad na rin sa labas ng NCR
Ipatutupad na rin ang COVID-19 Alert Level System sa labas ng National Capital Region, ayon sa Malacañang. Inihayag ni Presidential spokesperson Harry Roque na simula, Oktubre 20, 2021 ay sisimulan ang pagpapatupad ng Alert Level System na tatagal hanggang sa Oktubre 31, 2021. Iiral ang Alert Level 4 sa Negros Oriental […]