• April 15, 2024
  • Ang Diyaryong Pinagkakatiwalaan

All-Filipino lineup handang iparada ng Gilas

Handa ang Gilas Pilipinas na isabak ang all-Filipino lineup nito sa FIBA Asia Cup Qualifiers sakaling hindi umabot ang naturalization ni Ivorian Angelo Kouame.

 

Ilang araw na lamang ang nalalabi bago tumulak patungong Manama, Bahrain ang Gilas Pilipinas.

 

Subalit nananatiling opti­­mistiko ang Sama­hang Basketbol ng Pilipinas (SBP) na makukuha ni Kouame ang naturalization papers nito bago ang qualifiers.

 

Alam ni SBP Special Assistant to the President Ryan Gregorio na hindi madali ang pagproseso ng naturalization.

 

At kung hindi papalarin, inihahanda na ng SBP ang isang solidong all-Pinoy lineup na haharap kontra Thailand at South Korea.

 

“That is really the plan. Some of the things are beyond our control. If there is a magic we can do for Kouame to be available come November 27 by all means we’re gonna take it,” ani Gregorio sa 2OT na iprinisinta ng Smart.

 

Kasama si Kouame sa 16-man Gilas Pilipinas pool na isinumite ng SBP sa FIBA.

 

Kung hindi man ito ma­kaabot sa qualifiers sa Bahrain, nais itong ihanda ng SBP sa mga susunod na window ng FIBA tournament gayundin sa prestihiyosong FIBA World Cup na itataguyod ng Pilipinas sa 2023.

 

Dumating na rin sa Calamba si Kobe Paras ng University of the Philippines matapos makumpleto ang kanyang dental procedure.

 

Kasama nina Paras at Kouame sina Isaac Go, Rey Suerte, Allyn Bulanadi, Jaydee Tungcab, Dwight Ramos, Justine Baltazar, Dave Ildefonso, William Navarro, Calvin Oftana, Kemark Carino, Juan Gomez de Liaño, Javi Gomez de Liaño, Mike Nieto at Matt Nieto.

Other News
  • Speaker Romualdez pinakakasuhan na sa BOC ang mga smuggler

    PINAKAKASUHAN ni Speaker Ferdinand Martin G. Romualdez sa Bureau of Customs (BoC) ang mga rice smuggler, kasama ang kanilang mga kasabwat sa pagpuslit ng libu-libong sako ng bigas na iligal na ipinasok sa mga pantalan sa Mindanao.     Ginawa ni Speaker Romualdez ang apela kasabay ng paghahayag ito ng suporta sa naging desisyon ni […]

  • SSS naipamahagi na ang mahigit P1-T sa mga miyembro at benipisaryo

    AABOT  sa halos P1.1 trillion na ang naipamahagi ng Social Security System (SSS) sa kanilang mga miyembro, pensioners at mga beneficiaries mula 2016 at 2021.     Ayon kay SSS President at CEO Michael Regino, na ang nasabing halaga ay halos doble sa naipamahagi nila mula 2010 hanggang 2015 na aabot sa P549.59 bilyon.   […]

  • Limited face-to-face classes sa mga low risk areas

    Binigyang diin ng Malacañang na ang pag-apruba ni Pangulong Rodrigo Duterte sa limited face-to-face classes ay para lamang sa mga paaralang nasa ilalim ng low risk area classification o mga nasa modified general community quarantine (MGCQ) o nasa transition phase na ng MGCQ papuntang new normal.   Sinabi ni Presidential Spokesman Harry Roque, mayroon pa […]