ANJO, na-diagnose with depression and severe anxiety sa panahon ng pandemic
- Published on August 17, 2021
- by @peoplesbalita
KINUWENTO ng Kapuso hunk na si Anjo Damiles na na-diagnose with depression and severe anxiety sa panahon ng pandemic.
Ayon kay Anjo: “Ang hirap i-explain when it comes to mental health… suddenly it breaks you down. May point ako na nag-snap na lang po ako. Nawala ako sa tamang pag-iisip and it was sad to see na ganun.”
June 2020 noong makaranas ng mental health disorder si Anjo at sa tulong ng kanyang pamilya, psychiatrist, gamot at pananalig niya sa Diyos, unti-unting naging maayos ang pakiramdam niya.
“Naiiyak ako. Kasi ang hirap niyang i-explain, ang hirap niyang ikuwento. I never told this to anyone. Look up and pray. Always be thankful for what you have, for what is given to you,” sey pa niya.
May kinalaman daw ang biglang pagtigil niya sa trabaho pero nagpasalamat ang aktor dahil biglang dumating last year ang First Yaya kaya muli siyang nabuhayan sa kanyang career.
Nagsimula rin daw siya ng sariling food business at naging abala na rin siya sa online games para parati raw busy ang utak niya.
Payo pa ni Anjo sa mga dumaraan sa menth health disorder ay huwag kalimutan na ngumiti at maging masaya kahit madilim ang hinaharap ng buhay. Nakiusap naman siyang huwag husgahan ang mga taong nakararanas ng depression at anxiety. Mas makabubuti na tumulong at makinig sa mga taong may pinagdadaanang problema.
Napapanood rin si Anjo sa Daig Kayo Ng Lola Ko four-part series na Captain Barbie with Barbie Forteza and Jeric Gonzales.
(RUEL MENDOZA)
-
800 pamilya nasunugan sa Maynila, inayudahan
UMAABOT sa 800 pamilya na nabiktima ng sunog kamakailan ang tumanggap ng tulong pinansiyal mula sa Manila City Government. Mismong si Manila Mayor Honey Lacuna ang nanguna sa pamamahagi ng tig-P10,000 cash aid, kasama si Re Fugoso, na siyang pinuno ng Manila Department of Social Welfare (MDSW). Ayon kay Lacuna, bagamat […]
-
2 laborer arestado sa P56-K shabu
DALAWANG laborer ang arestado matapos makuhanan ng nasa P56, 540 halaga ng shabu sa isinagawang buy-bust operation ng pulisya sa Malabon City, kamakalawa ng gabi. Kinilala ni Malabon Police Chief Jessie Tamayao ang naarestong mga suspek na si Ronaldo Jacinto, 43 ng Blk 27, Lot 70, Phase 2, Area 1 Brgy. Nbbs, Navotas City […]
-
Truck ban, suspendido sa loob ng 2 -week ECQ sa NCR
SUSPENDIDO ang ipinatutupad na truck ban sa Kalakhang Maynila sa panahon ng enhanced community quarantine (ECQ) mula Agosto 6 hanggang 20, 2021. Sa Talk to the People ni Pangulong Rodrigo Roa Duterte, Lunes ng gabi ay sinabi ni Metropolitan Manila Development Authority (MMDA) chair Benhur Abalos na layon nito na maging dire-diretso ang delivery […]