• February 28, 2024
  • Ang Diyaryong Pinagkakatiwalaan

BABAENG CHINESE NATIONAL ARESTADO SA P27.2M HALAGA NG SHABU

NASAMSAM ng mga awtoridad ang nasa P27.2 milyon halaga ng shabu sa isang hinihinalang big-time drug personality na babaeng Chinese national matapos masakote sa isinagawang buy-bust operation sa Malabon City, kamakalawa ng gabi.

 

Kinilala ni Northern Police District (NPD) Director P/Brig. Gen. Ronaldo Ylagan ang naarestong suspek na si Tuan Xi Yao alyas “Wendy/Chekwa”, 38, Chinese national, may-asawa at walang trabaho.

 

Batay sa ulat, bandang alas-6:30 ng gabi nang magsagawa ang mga operatiba ng PDEA RO-NCR Eastern District Office ang PDEG SOU4 at District Drug Enforcement Unit (DDEU) ng NPD sa koordinasyon sa Malabon Police sa ilalim ng pamumuno ni Col. Jessie Tamayao ng buy-bust operation sa No. 13, Road 25, Brgy. Dampalit, Malabon city.

 

Kaagad inaresto ang suspek matapos bentahan ng isang pack ng shabu ang isa sa mga operatiba na nagpanggap na poseur-buyer.

 

Nakumpiska ng mga operatiba sa suspek ang humigi’t-kumulang sa apat kilograms ng shabu na tinatayang may standard drug price P27,200,000.00 ang halaga, isang genuine P1,000 bill na kasama sa boodle money na ginamit bilang buy-bust money, ID at cellphone.

 

Nahaharap sa kasong paglabag sa RA 9165 o Comprehensive Dangerous Drugs Act of 2002 ang naarestong suspek. (Richard Mesa)

Other News
  • Security guard patay sa sunog sa Valenzuela

    ISANG security guard ang namatay habang malubha naman ang lagay ng kasama nito matapos sumiklab ang sunog sa isang factory at warehouse sa Valenzuela City, kahapon ng madaling araw.     Ang katawan ni Joselito Pelic ay nakuha mula sa natupok na factory ng Gilvan Packaging Corporation habang ang kanyang kasama na kinilalang si Nestor […]

  • PDu30, nilagdaan ang mga batas na lumilikha sa LTO, LTFRB district offices

    TININTAHAN na ni Pangulong Rodrigo Roa Duterte ang 14 na batas na naglalayong magtatag ng district offices ng Land Transportation Office (LTO) at Land Transportation Franchising Regulatory Board (LTFRB) sa 13 lalawigan sa bansa.     Pinirmahan ni Pangulong Duterte ang Republic Acts (RA) 11737, 11738, 11739, 11740, 11741, 11742, 11743, 11744, 11745, 11746, 11747, […]

  • BSP nagbabala sa ibinebentang P20 coins sa internet

    NAGPAALALA ang Bangko Sentral ng Pilipinas (BSP) sa publiko na kailanman ay hindi sila nag-isyu nang tinatawag na Brilliant Uncirculated P20 peso coins.   Ginawa ng BSP ang paalala dahil na rin sa pagkalat sa internet o online seller na nag-aanunsiyo sa ibinebentang Brilliant Uncirculated P20 peso coins.   Ayon sa BSP ang P20-peso new […]