• May 26, 2024
  • Ang Diyaryong Pinagkakatiwalaan

Barangay Kamuning ‘di isasailalim sa lockdown — Mayor Joy

Wala umanong basehan para isailalim sa lockdown ang Brgy. Ka­muning matapos na isang residente dito na galing Dubai ang kaunaunahang na-infect ng UK COVID variant.

 

Ito ang inihayag ni Quezon City Mayor Joy Belmonte kasabay nang pagsasabing hindi na nakarating sa kanyang bahay ang pasyente matapos itong dumating sa bansa dahil agad itong dinala sa isolation facility.

 

“Una sa lahat, Kamuning in fact has the lowest numbers of COVID-positive patients at the moment. Since hindi naman lumapag sa barangay, hindi naman siya umuwi at ‘di pa luma­labas ‘yung resulta ng BHERT (barangay health emergency response teams) na positive sila, although quarantined na sila nga-yon, wala pa tayong sapat na batayan na i-lockdown ‘yung Barangay Kamuning. Hindi na po siya bumaba sa Barangay Kamuning. Siya po ay diniretso sa isolation facility,” pahayag pa ni Belmonte.

 

Kasabay nito binalaan din Mayor Belmonte na mananagot sa ilalim ng anti-discrimination ordinance ang sinumang mapapatunayang nangutya o nagkait ng pantay na karapatan sa isang indi­biduwal dahil lamang sa dito nakatira ang lalaking natukoy na nagtataglay ng bagong variant ng COVID-19.

 

Wala rin anyang dapat ipangamba ang publiko dahil nasa isang maayos na health facility na ang lalaki kasama ng mga taong natukoy na nakasa-lamuha nito.

 

Niliwanag naman ni Mayor Belmonte na is- tri­k­­­tong ipinatutupad ang protocol sa QC kaugnay ng kampanya laban sa pandemic.

 

Nana­nawagan din si Mayor Belmonte kay DILG Secre­tary Eduardo Año na pabalikin sa serbisyo  ang mga contact tracers na naipagkaloob nito sa QC noong nagdaang taon.

 

Magugunitang kamakalawa ay inamin ng DOH na isang lalaki buhat sa Dubai ang dumating sa bansa noong Enero 7 ang nagtataglay ng UK COVID variant. (ARA ROMERO)

Other News
  • Ads October 22, 2021

  • Malakanyang, ayaw makisawsaw sa panibagong girian sa liderato ng Kamara

    DEDMA lang ang Malakanyang sa umanoy pag-init na naman nang tunggalian sa pagitan ni House Speaker Alan Peter Cayetano at Cong. Lord Allan Velasco   Ayon kay Presidential spokesperson Salvador Panelo, ang mga kongresista lamang ang dapat na magresolba nang usapin at kung ano ang kasunduan na nabuo ang dapat sundin.   Wala ring nakikitang […]

  • SYLVIA, mas tumatag ang pananalig sa Diyos dahil sa matinding pagsubok na pinagdaanan ng pamilya; ‘Huwag Kang Mangamba’ napapanahong teleserye

    SAKTONG isang taon na pala ng mag-positive sa Covid-19 ang mag-asawang Art Atayde at Sylvia Sanchez, na hanggang ngayon ay kinatatakutan pa rin sa buong mundo ang nakamamatay na virus.     Naging matindi nga ang pagsubok na hinarap ng mag-asawa noong isang taon, unang nag-positive noong March 16, 2020 si Papa Art at paglipas […]