Batas kulang para parusahan sumisingit sa bakunahan kontra COVID-19
- Published on March 27, 2021
- by @peoplesbalita
Kung ang Malacañang ang tatanungin, hindi sapat ang mga kasalukuyang umiiral na batas para mapatawan ng parusa ang mga lumalaktaw sa priority list ng gobyerno pagdating sa mga pagpapaturok ng gamot laban sa coronavirus disease (COVID-19).
Ito ang sinabi ni Presidential Spokesperson Harry Roque matapos uminit ang ulo ni Pangulong Rodrigo Duterte at Department of Interior and Local Government (DILG) sa mga non-healthcare workers na nagpapaturok agad ng bakuna kahit hindi naman kasama sa A1 priority list ng gobyerno.
“Kung ang mga nag-skip [ng priority] line ay taong gobyerno, meron po tayong tinatawag na [Jovito] Salonga Law, ‘yung code of ethics for all public officers,” ani Roque, Huwebes.
“May mga probisyon doon na pwedeng malabag. Hindi naman siguro po pagtatanggal agad, pero meron pong corresponding parusa ‘yung ating Salonga Law, although it is a code of ethics.”
Kagabi nang paringgan ni Digong ang aktor na si Mark Anthony Fernandez, na una nang naibulgar na nagpabakuna ng AstraZenca sa Lungsod ng Parañaque. Labas diyan, ilang mayor ang binigyan ng show cause order ng DILG para magpaliwanag matapos magpaturok din.
Una nang idinahilan ni Paranaque Mayor Edwin Olivarez ang pagpapaturok kay Fernandez dahil sa “quick substitution list,” bagay na nagpapahintulot magturok sa non-A1 priority kung umatras ang healthcare worker na dapat tumanggap nito. Dagdag pa niya, may comorbidity ang aktor gaya ng “depresion at hypertension” kaya inuna siya. (Daris Jose)
-
Laking gulat na nakapag-perform sa sold-out crowd: CHRIS ROCK, no comment at ‘di ina-accept ang apology ni WILL SMITH sa social media
NAKARAMDAM ng pagmamahal ang comedian na si Chris Rock nang mag-perform ito sa sold-out crowd sa Wilbur Theater in Boston. Ang comedy tour niyang ito ay naganap ilang araw lang pagkatapos ng controversial slap sa kanya ni Will Smith sa nakaraang Oscar Awards. Hindi raw inasahan ni Rock na mapupuno niya […]
-
Aryna Sabalenka champion ng Women’s Australian Open
Abot-langit pa rin ang kasiyahan ni Belarusan tennis star Aryna Sabalenka matapos na magkampeon ito sa Australian Open. Tinalo niya kasi Elena Rybakina sa score 4-6, 6-3, 6-4 para makuha ang kampeonato. Umabot sa dalawang oras, 28 minuto ang nasabing laro. Ito ang unang Grand Slam Final ng fifth seed na si […]
-
Petecio, Paalam babandera sa Team Philippines
BABANDERAHIN nina Tokyo Olympics silver medalists Nesthy Petecio at Carlo Paalam bilang flag-bearers ang 16-member Philippine representation sa opening ceremony ng Paris Olympics bukas sa Seine River. “We’ll be a proud and hopeful 16-strong Team Philippines in the opening ceremony,” ani Philippine Olympic Committee president Abraham “Bambol” Tolentino. Makakasama nina […]