BBM ipinag-utos ang pagpapaliban ng LRT fare increase
- Published on April 14, 2023
- by @peoplesbalita
INAPRUBAHAN ng Department of Transportation (DOTr) ang pagtataas ng pamasahe sa Light Rail Transit Lines 1 & 2 (LRT 1 & 1) subalit ipinag-utos naman ni President Marcos na ipagpaliban muna ito.
Sinabi ni DOTr Secretary Jaime Bautista na pinayagan nila ang Light Manila Corp. (LRMC), na siyang namamahala sa operasyon ng LRT1, at ng Light Rail Transit Authority (LRTA) na magkaron ng pagtaas ng pamasahe sa dalawang rail systems.
Ipinag-utos ni Marcos na magkaroon muna ng reassessment sa gagawing pagtataas ng pamasahe upang malaman kung paano maaapektuhan ang mga pasahero dahil na rin sa tumataas na presyo ng mga bilihin at serbisyo.
Naitalang ang inflation rate sa bansa ay tumalon ng 14-year high na may 8.7 porsiento noong January at naging 8.6 porsiento noong Februay. Naitala naman na may 7.6 porsiento noong nakaraang March.
Inatasan ang DOTr na makipagusap sa National Economic Development Authority (NEDA) sa gagawing reassessment bago ipatupad ang pagtataas ng pasahe.
Ayon kay Bautista na hihintayin na lamang nila na matapos ang academic year bago nila ipatupad ito.
“We will work with the NEDA on this and after that we will report to the LRTA board, so it will take a few months, maybe,” sabi ni Bautista.
Sa isang pahayag naman ni undersecretary Cesar Chavez sinabi niya na gusto ng DOTr na magbigay na ng desisyon sa loob ng 2 buwan subalit kanyang rin inamin na depende ito sa kung gaano katagal ang magiging paguusap nila sa NEDA.
Dagdag ni Chavez na ang LRMC at LRTA ay kailangan ng magtaas ng pasahe upang makalikom ng karagdagang pondo para sa mga rehabilitation at upgrade ng rail lines na kanilang pinangagasiwaan.
Ang Panglinan-led LRMC ay may awtoridad sa ilalim ng concession agreement na magtaas ng pasahe kada ikalawang taon. Dahil dito ang LRMC ay naghain ng arbitration case laban sa pamahalaan dahil sa hindi nito pagpayag na magkaron ng fare adjustments simula noong 2016, 2018 at 2020 kung saan sila ay humingi ng P2.67 billion para sa kanilang compensation.
Sa kabilang dako naman, ang LRTA ay may projection na revenue growth na P114 million kada taon mula sa gagawing fare hikes. Gusto nilang gamitin ang 97 porsiento ng nasabing halaga para sa operating expenses upang mabawasan ang inaasahang deficit ng P8.5 billion ngayon taon.
Sa Metro Manila Transit Line 3 (MRT3), hindi pinayagan ng DOTr ang kanilang inihaing mungkahi na magkaron ng pagtataas sa pasahe dahil sa technical issues sapagkat ang pamunuan ng MRT 3 ay nabigong magkaron ng notice of public hearing sa tamang oras.
Simula pa noong 2015, ang LRT 1 & 2 ay nanatiling may P11 boarding fare at distance fare na P1 kada kilometro. LASACMAR
-
Sa MP2 savings program: Pag-IBIG members nakaipon ng P26 bilyon
UMAABOT na sa halos P26 bilyon ang kabuuang naipon ng mga miyembro ng Pag-IBIG Fund sa ilalim ng Modified Pag-IBIG 2 (MP2) savings program na isang pananda na mas dumami pa ang mga pumapasok at sa programang ito sa kabila ng umiiral na pandemya. Ang MP2 Savings program ay isang voluntary savings platform […]
-
Handa nang sumabak sa pagpapa-sexy: ANDREW, nakatanggap din indecent proposal pero ‘di pinatulan
PUMIRMA ng kontrata sa Viva Artists Agency, Inc. at sa VMX, dating Vivamax, ang hunk actor na si Andrew Gan. “Actually, ang pipirmahan po namin is management contract at movie contract. So yung movie contract ko is mix po ng Vivamax at saka ng Viva Films,” sabi ni Andrew. At handa si Andrew […]
-
LOCAL CASE NG MONKEYPOX, DI PA MAKUMPIRMA
HINDI pa makumpirma ng Department of Health (DOH) kung may local case na ng monkeypox sa bansa o wala pa. Ito ayon sa DOH ay dahil hindi pa makumpleto ang history ng ikaapat na kaso ng naturang sakit na mula sa Iloilo. Ani Vergeire sa press briefing, hanggang ngayon ay hindi […]