Biden, pormal nang nanumpa bilang 46th US president
- Published on January 22, 2021
- by @peoplesbalita
Opisyal nang nanumpa bilang ika-46 pangulo ng Estados Unidos si Joe Biden.
Idinaos ang kanyang panunumpa sa US Capitol, na pinangasiwaan ni Supreme Court Chief Justice John Roberts.
Sa kanya namang unang talumpati bilang US president, nanawagan si Biden na magkaroon ng bagong simula sa pulitika sa kanilang at pagtanggi sa aniya’y pagmanipula sa katotohanan.
“At this time in this place let’s start afresh. All of us must begin to listen to one another again, to hear one another, see one another, show respect to one another,” wika ni Biden.
“And we must reject the culture in which facts themselves are manipulated and even manufactured,” dagdag nito.
Umapela rin si Biden na itakwil ang “political extremism, white supremacy, domestic terrorism.”
“American has to be better than this,” ani Biden.
“This is our historic moment of crisis and challenge,” dagdag nito, “and unity is the path forward.”
Nanawagan din si Biden ng pagkakaisa at kanya ring tinuligsa ang nangyaring karahasan sa US Capitol noong Enero 6.
“Now, on this hallowed ground, where just a few days ago violence sought to shake this country’s very foundation,” sambit ni Biden.
“We come together as one nation, under God, indivisible and carry out the peaceful transfer of power as we have for more than two centuries.”
Sa edad na 78-anyos, si Biden ang pinakamatandang manunungkulan bilang presidente ng Amerika.
Siya rin ang ikalawang pangulo ng Estados Unidos na isang Katoliko, sunod kay John F. Kennedy.
Samantala, nanumpa na rin si Kamala Harris bilang kauna-unahang babaeng bise presidente ng Estados Unidos.
Si Supreme Court Justice Sonia Sotomayor ang nangasiwa sa oath of office ni Harris.
Nanumpa si Harris sa bibliyang na pagmamay-ari ni dating Supreme Court Chief Justice Thurgood Marshall, ang unang Black member ng US high court. (ARA ROMERO)
-
Pekeng FB account pinaiimbestigahan ni Bello
Nagpahayag ng pagkadismaya si Labor Secretary Silvestre Bello III nitong Linggo sa mga mapanlinlang na tao na ginagamit ang kanyang pangalan sa isang pekeng social media account upang mangalap ng pondo para diumano suportahan ang kanyang community pantry. Humiling na ng tulong ang kalihim sa National Bureau of Investigation (NBI) para kilalanin at […]
-
Gilas Pilipinas tututok na sa FIBA Asia Cup
SESENTRO na ang atensiyon ng Gilas Pilipinas sa kampanya nito sa FIBA Asia Cup na aarangkada sa Hulyo 12 hanggang 24 sa Jakarta, Indonesia. Magarbong tinapos ng Pinoy squad ang third window ng 2023 FIBA World Cup Asian Qualifiers na ginanap sa Mall of Asia Arena sa Pasay City kung saan pinataob nito […]
-
Nelson nagtala ng bagong rekord sa hammer throw
SUMULAT ng bagong national women’s hammer throw record si Filipino-Canadian Shiloh Corrales-Nelson sa katatapos na Triton Invitational Tourney sa University of California-San Diego track oval sa United States. Ineklipsehan ng University of California-Riverside track team member sa six and last attempt ang eight-year-old PH mark na 50.55 meters ni Loralie Amahit-Sermona na naitatak […]