Biglaan lang ang nangyari nang sila’y magkabalikan: KRISTOFFER, inamin na wala pa sa isipan na pakasalan ang longtime gf na si AC

INAMIN ni Kristoffer Martin na wala pa sa isipan niya ang magpakasal sa kanyang longtime girlfriend na si AC Banzon.

Pero dahil sa naging balikan nila, ayaw na raw niyang maghiwalay sila kaya naganap ang isang civil wedding noong nakaraang February 3.

“Kami ni AC, we’ve been together for eight years na… Si Pré, five years old, so five years kami nagli-live in. Hindi talaga pumapasok sa utak ko ‘yung kasal. Sabi ko, ‘Ayoko ikasal, hindi ko gusto ‘yung thought ng kasal.’ Tapos nito lang, ‘yung issue namin, ‘di ba naghiwalay nga kami kasi may nangyari, naligaw ako ng landas, e. Alam n’yo ‘yan.

“Parang doon ko na-realize na si Lord, never iniwan ‘yung side mo. Sabi ko, na-gets ko lahat ng nangyari na ito ‘yung gusto kong gawin, e. Pinangunahan ko na naman si Lord sa mga bagay na gusto kong gawin.

“Parang sinasabi niya, ‘Hindi ‘yan ‘yung plano ko sa’yo, anak. O, sige, ibibigay ko sa’yo ‘yung gusto mo, a, papakita ko sa’yo. Papakita ko sa’yo na hindi ‘yan ‘yung kailangan mo.'”

Bumalik daw si AC sa panahon na kailangan na siya ni Kristoffer.

“Sabi ko nga, ‘Kung hindi mo makita si Lord, gagamit si Lord ng ibang tao sa’yo, e.’ Kumbaga, nakita ko si AC na ginamit ni Lord as instrument. Kasi nandoon na ako sa point na hindi na ako maghahanap ng iba, e, na galing kumilos na ni Lord na hindi na ako naghanap ng iba, ng comfort sa iba. Inayos na lang niya kami ni AC.”

Noong magkabalikan sina Kristofer at AC ay agad silang nagpakasal kahit na hindi pa sila handa noon.

“As you get to know the Lord more, si God, si Jesus, makikita mo na, ‘Oo nga, parang mali ito na nagsasama tayo na wala ‘yung blessing ng marriage.’ Nag-ask kami sa mga pastors namin na, ‘Okay lang po ba kahit ganito ‘yung setup?’ Sabi nila no kasi against ‘yan sa law ni Lord.

“Ang sabi ko nga, akala namin ang kailangan namin magandang kasal, hindi pala. ‘Yung bond, ‘yung marriage mismo, ‘yun ang kailangan namin.”

***

NASA bansa na ulit pagkaraan ng dalawang taon ang former Japanese adult film actress na si Maria Ozawa. 

Nandito si Ozawa para sa soft launch ng Maria’s Room na isang online gaming portal. Naganap ang ang launch sa The Cove beach club sa Okada Manila.

Na-miss daw ni Ozawa ang magagandang beaches ng Pilipinas. Bumalik ng Japan si Ozawa noong magkaroon ng pandemic.

“I love the beaches. It’s so hard to just pick any place because I’ve been to several beaches here in the Philippines and the beaches are so beautiful. It’s so hard to just pick one, but I think I love Boracay,” sey pa niya.

Sa pagbalik ni Ozawa sa Japan ay nakipaghiwalay ito sa kanyang boyfriend na si Chef Jose Sarasola. Hindi raw kasi magwu-work ang long distance relationship sa kanilang dalawa.

Pero nasabi ni Chef Jose na naghiwalay sila ni Ozawa as friends at paminsan-minsan daw ay nagkukumustahan sila.

Ngayon at nakabalik na ng Pilipinas si Ozawa, magkaroon kaya ng balikan sa kanila ni Chef Jose?

Mukha namang super in-love si Chef Jose noong sila pa ni Ozawa dahil pinagtatanggol niya ito sa mga basher sa social media.

Puwede pa rin naman silang magbalikan, yun ay kung wala pa silang nahahanap na bagong karelasyon.

***

DIVORCE sa ikatlong pagkakataon ang aktor na si Sean Penn sa third wife niyang si Leila George.

Kinasal ang 61 year-old two-time Oscar best actor kay Leila noong kasagsagan ng pandemic noong 2020. Na-finalize na ang divorce papers nila after six months after nilang maghiwalay.

Marami sa mga kaibigan nila ang inakalang magkakabalikan sila dahil nakita silang pinapasyal ang kanilang mga pet dogs sa Los Angeles kamakailan. 31 years ang age gap ni Penn kay Leila.

Inamin ni Penn na siya ang naging dahilan kung bakit muling nag-fail ang marriage niya. Malaking dahilan daw ay ang kanyang dependence on alcohol at ang presciptive drug na Ambien.

“There’s a woman who I’m so in love with, Leila George, who I only see on a day-to-day basis now, because I f**ked up the marriage. We were married technically for one year, but for five years, I was a very neglectful guy.

“I allowed myself to think that my place in so many other things was so important, and that included my place in being totally depressed and driven to alcohol and Ambien at 11 o’clock in the morning, by watching the news, by watching the Trump era, by watching it and just despairing.”

Unang kinasal si Penn sa singer na si Madonna noong 1985 at naghiwalay sila noong 1989. Second marriage niya ay sa aktres na si Robin Wright in 1996 at nag-divorce sila in 2010.

(RUEL MENDOZA)