Biyaheng SoKor, pwede na ulit
- Published on March 4, 2020
- by @peoplesbalita
KINUMPIRMA ng Malakanyang na inaprubahan na ng Inter-Agency Task Force on Emerging Infectious Diseases (IATF) na payagan ang mga Filipino na bumiyahe patungong South Korea maliban sa buong North Gyeongsang Province, kabilang na ang Daegu City at Cheongdo County, kung saan ang virus outbreak ay concentrated.
Sinabi ni Presidential spokesperson Salvador Panelo na ito ang napagdesisyunan sa isinagawang 9th IATF Meeting kasama ang Department of Health – Central Office kung saan ay tinalakay ang kalagayan ng sitwasyon ng (COVID-19).
Ang lahat ng mga Pinoy na naghahangad na bumisita sa ibang bahagi ng South Korea ay kailangang gumawa at lumagda ng isang deklarasyon na nagpapahiwatig na batid at naiintindihan nila ang panganib na kaakibat ng kanilang pagbyahe.
Isang health advisory pamphlet ang bitbit ng mga ito sa kanilang pag-alis ng bansa.
Sa kabilang dako, ang pag-ban o pagbabawal na magpa-pasok ng mga foreign nationals na bumiyahe mula North Gyeongsang Province, kabilang na ang Daegu City at Cheongdo County, sa teritoryo ng Pilipinas ay nananatiling epektibo.
“Guided by the Health Security Risk Assessment Matrix, which evaluates the hazard, exposure and context relative to the risks involved, the IATF has also agreed that there are to be no new imposition of travel restrictions or lifting of the same as regards other countries or jurisdictions. The IATF assures that the review concerning travel restrictions and protocols to and from the Philippines shall be regularly conducted by it,” ang paliwanag ni Sec. Panelo.
Samantala, naghahanda naman ngayon ang Department of Foreign Affairs (DFA) para sa repatriation ng 148 Filipino mula Macau via chartered flight, habang inaayos naman ng Overseas Workers Welfare Administration ang pag-repatriate ng 48 na aktibong miyembro sa pamamagitan ng isang commercial flight.
Ang IATF ay kinabibilangan ng mga miyembro ng ahensiya ng pamahalaan, at nananatiling “on top of the situation” kontra COVID-19 at ang Office of the President (OP) naman ay kinikilala ang konkretong pagsisikap sa pakikipaglaban sa nasabing virus habang nilalayon ng pamahalaan na protektahan ang kaligtasan at kalusugan ng lahat ng mga mamamayang Filipino. (Daris Jose)
-
2 linggong timeout na hiling ng medical frontliners, gagamitin ng pamahalaan sa pag-fine tune ng mga hakbang kontra Covid -19
GAGAMITIN ng gobyerno ang 2 linggong “timeout” na hiniling ng mga medical frontliners para mag-fine tune o mag-recalibrate ng mga hakbang sa pagtugon ng bansa sa Covid -19 pandemic. Sinabi ni Presidential Spokesperson Harry Roque, mas paiigtingin ng gobyerno ngayon ang T3 o testing tracing at treatment sa mga Covid- 19 positive individuals. Sa kabilang […]
-
2 MWP ng PRO4A at PRO8, timbog sa Valenzuela
NAGWAKAS na ang pagtatago sa batas ng dalawang Most Wanted Person ng Police Regional Office (PRO) 4A at ng PRO8 matapos maaresto sa magkahiwalay na operation ng pulisya sa Valenzuela city. Ayon kay Valenzuela City Police chief Col. Ramchrisen Haveria, Jr. dakong alas-12:30 ng madaling araw nang arestuhin si Roscoe Alve, 36, negosyante, […]
-
NTC, inatasan ang mga telcos na balaan ang publiko sa text scam
Inatasan ng National Telecommunications Commission (NTC) ang mga telecommunication companies na magpadala ng text blast sa kanilang subscribers para balaan tungkol sa text spam o umano’y mga text messages na naglalaman ng mga alok na trabaho. Sa gitna ito ng mga ulat na kalat na kalat na ang mga ganitong SMS messages. […]