Bukod sa comeback project niya sa GMA: VINA, pinaghahandaan din ang mga shows abroad

HINDI lang pala sa comeback project niya sa GMA abala si Vina Morales kundi pati sa paghahanda sa mga gagawin niyang shows abroad.

Inamin ni Vina na na-miss niya ang mag-concert at gusto niyang magpasaya sa maraming Pinoys abroad.

Pero unahin daw muna niya ang tinanguan niyang teleserye na ‘Cruz Vs. Cruz.’

“Kung ano ‘yung mga projects na meron ako, one at a time. Kasi ngayon siguro mas nagpo-focus ako sa acting, why not ‘di ba?

“And I was also working last year for doing concerts abroad,” sey ni Vina na noong 2023 ay nag-debut on Broadway via ‘Here Lies Love.’

Happy rin daw si Vina pagdating sa kanyang personal na buhay.

“I’m very happy with what’s going on with my life. I’m happy that I have my Ceana. Can you imagine, mag-16 na ‘yung anak ko pala, sweet 16. And my family, we’re healthy, ‘yun ang pinaka-importante.”

Makakasama ni Vina sa ‘Cruz Vs. Cruz’ ay sina Gladys Reyes, Kristoffer Martin, Pancho Magno, Lexi Gonzales, Elijah Alejo at Neil Ryan Sese.

***

KAHIT mahusay sa pagganap bilang beki,  never naman daw pinagdudahan ni Mikoy Morales ang sexuality niya.

Pero nagawa raw niyang mag-explore para sa mga ginagawa niyang gay roles.

“Never naman ako naging confused, but I explored. There was a time na I thought I was bisexual.

“Siguro partly related dahil sa puro gay roles ‘yung nakukuha kong roles, so nandoon ako sa exploring my life outside the roles, also, on how to make the roles better. Parang better understanding,” paliwang ng Sparkle actor na napapanood sa ‘Lolong: Bayani ng Bayan.’

Engaged na si Mikoy Morales sa non-showbiz girlfriend na si Isa Garcia. Pinaplano na raw nila ang kanilang magiging dream wedding.

 

(RUEL J. MENDOZA)