Bulacan, iilawan ang Christmas tree na hango sa modernong disenyo
- Published on December 5, 2020
- by @peoplesbalita
LUNGSOD NG MALOLOS – Matapos ang mga pagsubok na naranasan ng lalawigan sa mga nakaraang buwan, opisyal nang iilawan ng Pamahalaang Panlalawigan ng Bulacan sa pamumuno ni Gobernador Daniel R. Fernando ang 35 na talampakang Christmas tree sa harap ng gusali ng Kapitolyo sa Biyernes, Disyembre 4, 2020, ika-5:00 ng hapon upang ikintal sa mga Bulakenyo na mayroong pag-asa sa kabila ng lahat.
Hango sa modernong disenyo, dama pa rin ang diwa ng Bulakenyo kung saan isang malaking hugis bituin na parol na yari sa singkaban ang nakalagay sa itaas ng Christmas tree na sumisimbolo ng liwanag at pag-asa matapos ang nakaraang kalamidad at kasalukuyang pandemya.
Ayon kay Imelda B. Arabe, arkitekto at nag-disenyo ng Christmas tree, ang disenyo ngayong taon ay binubuo ng 100 magkakaibang sukat na makukulay na Christmas wired balls at 100,000 na Christmas lights na magbibigay liwanag sa harap ng Kapitolyo.
Sinabi ni Fernando na ang pagpapailaw ng Christmas tree ay magdadala ng ligaya at pag-asa sa mga Bulakenyo at magpapaalala sa kanila na tuloy pa rin ang Pasko sa kabila ng pandemya na kinakaharap ng buong mundo.
“Sa pag-iilaw ng ating Christmas tree dito sa Kapitolyo, muli nitong ipinapaalala ang diwa ng pagkakaisa nating mga Bulakenyo lalo na sa oras ng krisis at paghihirap. Ito ang magsisilbing liwanag sa kabila ng dagok at dilim ng mga nangyari. Sana ay maging inspirasyon din ito para magbahagi tayo ng biyaya sa kapwa natin na nangangailangan,” anang gobernador.
Bago ang opisyal na pag-iilaw ng Christmas tree, tutugtog ang Bulacan Brass Band sa Hiyas ng Bulacan Convention Center at iaanunsyo naman ng the Provincial History Arts, Culture and Tourism Office ang mga nagwagi sa Paskong Bulacan Online Song Writing Competition. (Bishop Jesus “Jemba” M. Basco)
-
LeBron at Davis balik na pero minalas pa rin ang Lakers vs Pelicans
BALIK na sa paglalaro ang mga NBA superstars na sina LeBron James at Anthony Davis pero minalas pa rin ang Los Angeles Lakers matapos na masilat ng New Orleans Pelicans, 114-111. Kung maaalala dalawang games din na nawala si LeBron habang inabot naman ng 18 games na hindi nakalaro si Davis dahil sa […]
-
PBBM, hinikayat ang mga deboto ng Señor Sto. Niño na i-translate ang kanilang pananampalataya sa gawa, ipalaganap ang pag-asa, pagmamahal at saya
NAKIISA si Pangulong Ferdinand R. Marcos Jr. sa milyon-milyong deboto ng Señor Sto. Niño sa pagdiriwang ng Sinulog Festival kasabay ng paghikayat sa mga ito na i-translate ang kanilang pananampalataya sa gawa at ipalaganap ang pag-asa, pagmamahal at saya sa iba. Sa naging mensahe ng Pangulo, umaasa ito na mananatiling nagkakaisa ang mga […]
-
Pagkamatay ng mag-ama sa pamamaril sa Navotas, kinondena ni Tiangco
MARIING kinondena ni Navotas City Mayor John Rey Tiangco ang nangyaring madugong pamamaril ng dalawang hindi kilalang salarin na ikinamatay ng isang mag-ama at ikinasugat ng dalawa pang katao sa naturang lungsod. Nagpaabot din ng kanyang taos pusong pakikiramay si Mayor Tiangco sa pamilya ng mga biktima at nangakong ibibigay sa kanila ang […]