Bulacan, ipakikilala ang kauna-unahang Singkaban Festival Digital Kings at Queens
- Published on September 10, 2021
- by @peoplesbalita
LUNGSOD NG MALOLOS – Ipakikilala ng Pamahalaang Panlalawigan ng Bulacan sa pamamagitan ng Provincial History, Arts, Culture and Tourism Office ang kauna-unahang mga kandidato para sa Singkaban Festival Digital King and Queen na maglalaban-laban para sa nasabing titulo sa Setyembre 11, 2021, 3:00 N.H. sa pamamagitan ng Google Meet.
Ayon kay Dr. Eliseo S. Dela Cruz, tampok sa birtwal na patimpalak sa taong ito ang 11 mga kalalakihan at 11 mga kababaihan mula sa iba’t ibang lungsod at munisipalidad sa lalawigan na may kani-kaniyang kakayanan, talento at talas ng pag-iisip.
May pagkakataon ding makilahok ang mga netizen sa pagpili ng karapat-dapat na Hari at Reyna sa pamamagitan ng pagsusumite o pagbibigay ng final question sa Facebook post ng Bulacan Tourism na itatanong sa mga kandidato.
Samantala, sinabi naman ni Gobernador Daniel R. Fernando na ang patimpalak na ito ay magbibigay din ng pagkakataon sa mga kandidato na patunayan ang kanilang kakayahan sa pagiging modelo para sa kabataang Bulakenyo.
“Mula sa pagiging isang kandidato sa patimpalak na ito, pagkakataon na rin ito upang maging magandang ehemplo sa ating mga kabataang Bulakenyo upang ipakita ang kanilang pagmamahal sa mayamang kasaysayan, kultura at turismo ng lalawigan bukod pa sa kanilang natatanging galing at kakayahan bilang kabataan,” anang gobernador.
Gaganapin ang koronasyon sa Setyembre 14, 2021, 3:00 N.H. sa Nicanor Abelardo Auditorium / Bulacan Toursim Facebook Page. (Bishop Jesus “Jemba” M. Basco)
-
Abalos, iniwan ang MMDA
TULUYAN nang iniwan ni Metropolitan Manila Development Authority (MMDA) chair Benhur Abalos ang kanyang posisyon dahil simula ngayon, Pebrero 8 ay tatayo na siyang bilang campaign manager ni Ferdinand ‘Bongbong’ Marcos Jr. “I would like to announce that I am resigning as MMDA chairman,” ayon kay Abalos. Sinabi nito na naisumite […]
-
Pagsisimula ng local campaign, generally peaceful – PNP
ITO ANG deklarasyon nitong Sabado ng Philippine National Police (PNP) sa pagsisimula ng campaign period para sa lokal na posisyon kaugnay ng gaganaping May 9, 2022 national election. Sinabi ni PNP Chief P/ Gen. Dionardo Carlos, walang naiulat na anumang insidente ng karahasan na may kaugnayan sa nalalapit na halalan. Ang campaign period […]
-
Kelot kulong sa shabu at pandadakma ng puwit ng dalagita
KALABOSO ang 27-anyos na lalaki nang makuhanan ng shabu at panggigilang dakmain ang puwitan ng 16-anyos na dalagitang estudyante sa Valenzuela City. Nahaharap sa kasong paglabag sa R.A. 11313 o ang Anti-Bastos Law at paglabag sa RA 9165 o Comprehensive Dangerous Drug Act ang suspek na si Jethro Dionson, ng16 Lemon St. Brgy. […]