• February 28, 2024
  • Ang Diyaryong Pinagkakatiwalaan

Bunsod ng pagiging number one na krimen ang ‘rape’: Abalos, ipinag-utos ang mas maraming kapulisan sa ilang lugar sa Pinas

IPINAG-UTOS ni Department of Interior and Local Government (DILG) Secretary Benhur Abalos Jr. sa Philippine National Police (PNP) na gawin ang lahat ng makakaya para protektahan ang mga kabataang kababaihan at paigtingin ang implementasyon ng “Kuwarto ni Nene” program sa mga komunidad kung saan tumaas ang sexual abuse cases laban sa mga kabataang kababaihan.

 

 

“Rape is now the number one crime in some parts of the Philippines,” ayon kay Abalos.

 

 

“I was surprised na merong lugar na hindi nakawan, hindi cybercrime, kung hindi number one crime is rape,’’ aniya pa rin.

 

 

Ipinaliwanag naman ng Kalihim na ang “Kuwarto ni Nene” ay proyekto ng PNP na naglalayong protektahan ang mga kabataang kababaihan at tiyakin ang kanilang kaligtasan mula sa mga sekswal na mandaragit.

 

 

“I asked the PNP, we have this program, it’s called Kwarto ni Nene. Where we give out (building) materials para yung mga nagdadalaga, (dapat) may sariling kwarto na. Hinihiwalay na,” aniya pa rin.

 

 

Sa ilalim ng nasabing programa, sinabi ni Abalos na dapat na regular na binibisita ng mga babaeng pulis at social workers ang mga tinedyer na biktima upang i- check ang kanilang kapakanan.

 

 

Tinuran pa ni Abalos na kinokonsidera rin nila ang posibilidad na magpalabas ng polisiya na maghihikayat sa mga overseas Filipino workers (OFWs) na ipaalam sa kanilang barangay ang kanilang pag-alis.

 

 

Layon nito ay magsagawa ng regular na pagbisita ang barangay women officers, pulis at social welfare officials sa bahay ng OFWs at I-check ang situwasyon at kondisyon ng kanilang anak.

 

 

Sa kabilang dako, sinabi pa rin ng Kalihim na makikita sa 2022 National Demographic and Health Survey na ginawa ng Philippine Statistics Authority (PSA) na 17.5% ng mga kababaihang Filipina na may edad na 15 hanggang 49 ay may karanasan o nakaranas ng “physical, sexual at emotional violence”mula sa kanilang intimate partners.

 

 

“The Philippines continues to be the leading Asian country in closing the gender gap according to the 2023 Global Gender Gap Index Report by the World Economic Forum,’’ ayon kay Abalos. (Daris Jose)

Other News
  • Yu Yu Hakusho’s star Takumi Kitamura leads the fight as Takemichi Hanagaki in ‘Tokyo Revengers 2: Bloody Halloween- Destiny’

    Leading another action-packed live adaptation is Takumi Kitamura, who’s playing as the driven Takemichi Hanagaki in Tokyo Revengers 2: Bloody Halloween- Destiny, based on the best-selling manga series by Ken Wakui. After failing to save Hinata Tachibana from her fate, Takemichi travels back in time once more to unravel the mysteries of his violent past. […]

  • Ads February 17, 2020

  • Women’s softball team kauna-unahang koponan na nasa Japan

    Nauna ang women’s softball team ng Australia na mga international athletes na dumating sa Japan para sa Olympics.     Dadalo muna sa training camp sa Ota City ang koponan bago lumipat sa Athletes’ Village sa Tokyo sa Hulyo 17.     Lahat aniya ng mga miyembro nito ay naturukan na ng COVID-19 vaccine at […]