Business tycoon na si Enrique Razon, nagboluntaryong magpagamit ng sariling barko at eroplano

IBINALITA ng Malakanyang sa publiko na nagbigay na ng kanyang commitment para makatulong sa pamahalaan ang business tycoon na si Enrique Razon.

Ito ang ipinarating na ulat ni vaccine czar Secretary Carlito Galvez kay Pangulong Rodrigo Roa Duterte sa harap ng nakagiya ng pagkuha ng gobyerno ng bakuna kontra sa COVID 19.

Batay sa ipinresentang report sa Chief Executive, nagbitiw na umano ng pangako si Razon na siya na ang kukuha ng supply ng Moderna vaccine sa Spain gamit ang kanyang mga barko at mga eroplano

“Iyong Moderna, nag-negotiate po kami kahapon ng umaga at positive rin po. At nangako po si Sir Enrique Razon na siya na po ang kukuha sa Spain ng mga supplies, pro bono. Ang kanyang mga barko at saka mga — ang kanyang mga ano, mga airplane ang kukuha no’n para at least dalhin po dito sa atin ang vaccine,” ayon kay Sec. Roque.

“At mayroon po tayo na naka-allocate na  — nag-e-explore tayo na baka ang LGU rin po at saka ‘yung mga private sector ay puwedeng ano, puwedeng kumuha ng Moderna through the tripartite agreement,” dagdag na pahayag nito.

Pro- bono o libre aniya ang inisyatibo ni Razon ayon kay Galvez.

Bukod dito ay nag-oorganisa din umano si Razon ng isa pang inisyatibo na makapangalap ng COVID vaccine doses bilang donasyon sa gobyerno.

Minimum na 3 to 5 million doses ani Galvez ang target nito na kanyang kukunin mula sa business sector.

“At nangako rin po si Sir Enrique Razon na kakalapin niya po ang mga business sector para makakuha po ng at least at a minimum mga 3 to 5 million po na doses para sa ating mga workers at donation po sa government,” aniya pa rin. (Bishop Jesus “Jemba” M. Basco)