• February 21, 2024
  • Ang Diyaryong Pinagkakatiwalaan

Cayetano ‘totoong resigned na’ bilang House speaker matapos mahalal si Velasco

PORMAL nang napalitan bilang speaker ng Kamara de Representantes si Taguig-Pateros Rep. Alan Peter Cayetano ni Marinduque Rep. Lord Allan Velasco, Martes, matapos ang matagal- tagal na agwan sa pwesto bilang pinuno ng Mababang Kapulungan.

 

Nangyari ito matapos tuluyang ratipikahan ng 186 miyembro ng House ang kanyang pamumuno, dahilan para matuloy ang “term-sharing” agreement na pinagitnaan ni Pangulong Rodrigo Duterte.

 

Tuluyan itong naisapormal matapos ideklara ni Velasco ang kanyang pagkapanalo bilang House speaker sa mismong Batasang Pambansa.

 

“To the Filipino people, to my dear colleagues, I am humbled for your support and trust for electing me as your speaker of the House for the 18th Congress,” sambit ni Velasco sa harap ng mga kasama sa Kamara.

 

“First, and most importantly, this is for the Filipino people.”

 

Kahapon pa nang magbotohan ang mga nasabing lawmakers para iluklok si Velasco sa Celebrity Sports Plaza sa Lungsod ng Quezon, ngunit ngayon lang niratipikahan.

 

Parehong kaalyado ni Duterte sina Velasco at Cayetano, ngunit matagal-tagal nang nagbabangayan sa leadership.

 

Kasabay nito, pormal na ring nag-tender ng kanyang pagbibitiw bilang speaker ng Kamara si Cayetano, na nagtungo sa kanyang Facebook page para kumpirmahin ang balita.

 

“Right now, verbally, I am tendering my irrevocable resignation as the speaker of the House of the Republic of the Philippines,” kanyang banggit habang nasa labas ng sariling tahanan.

 

“Ang Congress po, masyado nang nahahati. Parehong allies ito ng presidente, [‘yung nag- aagawa]. Ang natutuwa lang po ay ‘yung oposisyon.”

 

Naunang naibalita ang pagkakahalal kay Velasco.

 

Nangyayari ang lahat ng ito habang nasa proseso ang Konggreso ng pagpapasa ng 2021 budget, bagay na sinasabing niratsada diumano ni Cayetano sa ikalawang pagbasa nang hindi man lang napagdedebatihan, ayon sa oposisyon.

 

Nakatakdang pulungin ngayong araw ni Duterte sina Cayetano at Velasco pasado 12:30 p.m. sa Malacañang para ipasara ang naturang budget.

 

Una nang sinabi ng Palasyo na pikang-pika na ang presidente sa awayan sa Kamara at gusto lamang matapos ang paggugol ng p4.5 trilyon para sa susunod na taon.

 

Taong 2019 nang unang i-”broker” ni Duterte ang term sharing agreement ng dalawang mambabatas, kung saang 15 buwan ang pamumuno ni Cayetano habang 21 buwan naman ang kay Velasco.

 

‘Pareho lang tuta’

 

Sa kabila leadership change, hindi naman gaano interesado rito si dating chairperson ng Commission on Human Rights (CHR) chair Etta Rosales lalo na’t pareho lang daw “tuta ni Duteterte” sina Velasco at Cayetano.

 

“Same dog, different collar. Whether it is Cayetano or Velasco, Congress will remain Duterte’s rubber stamp,” ani Rosales, na chairperson emeritus ng rin grupong Akbayan — na kritiko ni Digong.

 

“There is no restoration of order, integrity, and independence, there is only subservience.”

 

Ayon naman kay Buhay party-list Rep. Lito Atienza, “pera at kapangyarihan” naman daw ang dahilan ni Cayetano kung bakit tila kapit-tuko sa highly-coveted position.

 

Hands-off pa rin naman daw ang Palasyo sa isyu sa Kamara at hahayaan ang independiyenteng aksyon nila na maghalal ng panibagong pinuno, ani presidential spokesperson Harry Roque.

 

Sa kabila ng lahat, nakikiusap si Cayetano na 3 p.m. nalang i- elect si Velasco kasabay ng plenary session, na ipinatawag ni Digong para maipasa ang proposed 2021 national budget sa oras. (Daris Jose)

Other News
  • Portugal niluwagan na ang travel restrictions ng mga pasahero na bumibisita sa kanilang bansa

    NILUWAGAN  ng Portugal ang kanilang travel restrictions para sa mga pasahero na nagtutungo sa kanilang bansa.     Lahat aniya ng mga European COVID-19 certificates, EU digital pass o ibang mga kinikilalang vaccine passes ay hindi na kailangang magpakita pa ng negatibong test result sa pagpasok sa bansa.     Ang EU COVID-19 certificates kasi […]

  • After 20 years, kaya masaya ang mga anak: LOTLOT, tinanggap agad dahil blessing na muling makasama si RAMON CHRISTOPHER

    BAGO pa man sumikat ang mga kilalang loveteams nina Bianca Umali at Ruru Madrid at Mikee Quintos at Paul Salas na mga bida sa ‘The Write One’ ng GMA at VIU Philippines ay umalagwa ng husto noon ang tambalan nina Lotlot de Leon at Ramon Christopher.     Na humantong nga sa kasalan ng dalawa […]

  • ZOREN at CARMINA, naging emotional dahil sa pinagdaraan ng pamilya at sa pagkahiwalay sa kambal

    ANG ganda ng trailer pa lang ng bagong GMA Afternoon Prime, ang Stories from the Heart: The End of Us na pinagbibidahan ng real-life couple na sina Zoren Legaspi at Carmina Villarroel.     At umpisa pa lang ng online mediacon nila, naging very emotional na sina Zoren at Carmina. Lalo na si Zoren na […]