CHR, iniimbestigahan ang posibleng paglabag ng PNP sa pag-aresto sa red-tagged doctor
- Published on February 21, 2022
- by @peoplesbalita
SINABI ng Commission on Human Rights (CHR) na iniimbestigahan nito ang posibeng paglabag ng Philippine National Police (PNP) sa pag-aresto sa isang doktor na inakusahang miyembro ng Communist Party of the Philippines.
“CHR has dispatched a quick response team in NCR (National Capital Region) and Caraga, and is undertaking a motu proprio investigation on the reports received that indicate possible violations of the Philippine National Police rules of procedure, among other issues,” ang nakasaad sa kalatas ng Komisyon.
Tinukoy ng CHR ang pag-aresto ng pulisya kay Dr. Maria Natividad Castro, araw ng Biyernes sa pamamagitan ng warrant of arrest na inisyu ng Regional Trial Court ng Bayugan City, Agusan del Sur noong Enero 30, 2020 dahil sa umano’y kidnapping at serious illegal detention.
Nababahala naman ngayon ang grupong Free Legal Assistance Group (FLAG) kaugnay sa kinaroroonan ni Castro.
Ayon sa grupo humingi sila ng access para makita sI Dr. Maria Natividad Castro sa Intelligence Group ng Philippine National Police (PNP) sa Camp Crame kung saan iniulat na dito ito dinala at ikinulong.
Sinabi ng FLAG na hangang ngayon ang kapatid ng doktor at ang isa pang abogado ay hindi pinayagang makita at makausap si Castro.
Nakikipag-ugnayan naman na ang CHR sa mga local authorities at may close contact sa pamilya Castro para tulungan ang mga ito.
Nabahala rin ang CHR sa paraan ng pag-aresto kay Castro.
Ayon sa CHR, si Castro “had been red tagged for her work as a human rights and development worker.”
“Before the pandemic hit the country in 2020, Castro initiated several health programs in Mindanao. She also brought members of the Lumad community before the United Nations in Geneva to seek help against harassment in their areas. She also once served as secretary general of rights group Karapatan in Caraga region,” ayon sa CHR.
Samantala, nanindigan naman ang grupong Karapatan na si Castro ay isang health worker na tumulong sa pagtatayo ng mga community center at programa sa Mindanao. (Daris Jose)
-
Malakanyang, hindi kukunsintihin ang mga indibidwal na nag-LGU hopping para magpa-booster shot
TINIYAK ng Malakanyang na hindi nila kailanman kukunsintihin ang mga taong nag-LGU hopping para makakuha ng booster shot. Ani Sec. Roque, marami pang hindi nababakunahan bukod pa sa illegal ang ganitong hakbang. “So ang pakiusap natin, lahat naman ng bakuna ay nagbibigay proteksiyon, so hintayin muna natin magkaroon ng bakuna ang karamihan ng […]
-
SOUTH AFRICAN VARIANT, NATUKLASAN
MAY natuklasan na ring anim na B.1.351 variant o South Africa variant sa Department of Health (DOH), UP-Philippine Genome Center (UP-PGC), at UP-National Institutes of Health (UP-NIH). Bukod dito karagdagang 30 B.1.1.7 variant (UK variant) kaso at dalawang karagdagang kaso ng mutation mula sa ika walong batch ng 350 samples na na-sequenced […]
-
3 tulak arestado sa P.7 milyon halaga ng shabu
TIMBOG ang tatlong umano’y notoryus drug pushers matapos makuhanan ng nasa P.7 milyon halaga ng shabu sa isinagawang buy-bust operation ng mga pulis sa Malabon City, kahapon ng umaga. Kinilala ni Malabon police chief P/Col. Jessie Tamayao ang mga naarestong suspek na si Paul John Mendoza, 23, Ian Vher Oquendo, 28, kapwa ng Block […]