CIVIL REGISTRY NG MANILA LGU, WALANG IPINAPATUPAD NA “CUT OFF SYSTEM” AT “QUOTA SYSTEM”
- Published on April 26, 2021
- by @peoplesbalita
WALANG ipinapatupad na “cut off” o “quota system” ang tanggapan ng Local Civil Registry ng pamahalaang Lungsod ng Maynila.
Ito’y makaraang makatanggap umano ng reklamo ang tanggapan ng Anti-Red Tape Authority (ARTA) hinggil sa pagpapatupad nila ng “cut-off time” sa pagtanggap at pagproseso ng mga dokumento kaya nagsagawa ng sorpresang inspeksiyon si Director General Jerimiah Belgica.
Ayon kay Manila Local Civil Registry OIC Atty. Cris Tenorio, wala umano silang ipinapatupad na cut off time o quota system sa kanilang tanggapan kung saan iginiit nito na tuloy-tuloy ang kanilang pagbibigay ng serbisyo mula alas-8 ng umaga hanggang alas-5 ng hapon, Lunes hanggang Biyernes.
“We assured the continuous running of our services during official business hours from 8 a.m. to 5 p.m., which may extend depending on the number of requests,” paliwanag ni Atty. Tenorio.
Gayunman, sinabi ni Tenorio na kailangan nilang kontrolin at limitahan ang pagpasok ng mga tao sa kanilang tanggapan upang mapanatiling maipatupad ang minimum health protocols.
Hinihikayat naman ni Tenorio ang publiko na maaari silang magpunta sa website na www.cityofmanila.ph o kaya ay magdownload ng Go Manila App upang maiproseso ang kanilang dokumento sa pamamagitan ng “online”.
Muli namang pinaalalahanan ni ARTA DG Belgica ang lahat ng mga ahensiya sa pambansa at lokal na pamahalaan hnggil sa pagbabawal sa cut-off / quota system, batay na din sa ilalim ng Republic Act. 11032 o ang Ease of Doing Business law, kung saan dapat itong panatilihin kahit na sa panahon ng pandemya. (GENE ADSUARA)
-
Heat at Spoelstra suportado ng mga Pinoy fans laban sa Celtics
BUHOS ang suporta ng mga Pinoy fans para kay Filipino-American head coach Erik Spoelstra na siyang humahawak sa Miami Heat. Sasalang sa isang ‘rubber match’ ang Heat at ang Boston Celtics sa Game Seven ng Eastern Conference championship series kung saan ang mananalo sa dalawang koponan ang papasok sa NBA Finals. […]
-
Gobyerno, sisimulan na ang pagbabakuna sa 5-11 years old sa Pebrero 4- Galvez
NAKATAKDANG simulan ng pamahalaan at pangasiwaan ang pagtuturok ng Covid-19 vaccine sa mga kabataan na may edad na 5 hanggang 11 taong gulang sa Pebrero 4, 2022. “We are already prepared in the vaccination of 5 to 11 years old,” ito ang iniulat ni National Task Force (NTF) Against Covid-19 chief implementer, Secretary […]
-
DOH: 8,346 bagong COVID-19 infections sa Phl naitala; active cases pumalo na sa 71,472
Iniulat ng Department of Health (DOH) na aabot sa 8,346 ang bagong COVID-19 infections sa bansa, na mayroon nang kabuuang bilang sa ngayon na 1,054,983, hindi pa kasama ang datos mula sa pitong laboratoryo. Ayon sa kagawaran, mula sa kabuuang bilang ay 71,472 ang total active cases, kung saan 94.7% ang mild, 1.9% […]