Clarkson lalaro sa FIBA World Cup Asian Qualifiers
- Published on July 22, 2022
- by @peoplesbalita
MAS malakas na koponan ang ipaparada ng Gilas Pilipinas sa fourth window ng FIBA World Cup Asian Qualifiers na lalarga sa susunod na buwan.
Ito ang inihayag ni Gilas Pilipinas head coach at Samahang Basketbol ng Pilipinas program director Chot Reyes kung saan malaki aniya ang posibilidad na maglaro si Filipino-American Jordan Clarkson.
Ayon kay Reyes, posibleng makasama ng Pinoy squad ang NBA star na mula sa Utah Jazz sa laban ng Gilas Pilipinas sa fourth window.
Sa fourth window, nasa Group E ang Gilas Pilipinas kasama ang New Zealand, Lebanon, Jordan, Saudi Arabi at India.
Unang makakasagupa ng Pilipinas ang Lebanon sa Agosto 25 kasunod ang Saudi Arabia sa Agosto 29.
“We also have word that Jordan Clarkson is also coming. Hoping to join the team as well to play on the 25th and the 29th,” ani Reyes sa PlayitrightTV.
Hindi ito ang unang pagkakataon na lalaro si Clarkson suot ang Gilas Pilipinas jersey.
Nasilayan na sa aksyon ang dating NBA Sixth Man of the Year sa 2018 Asian Games na ginanap sa Jakarta, indonesia.
Maliban kay Clarkson, inaasahang maglalaro rin para sa Gilas Pilipinas ang ilang PBA players dahil papasok na sa semifinals ang PBA Philippine Cup sa Agosto.
Umaasa rin ang SBP na makakapaglaro na si Kai Sotto sa fourth window ng qualifiers.
“Hopefully, Kai Sotto can make it this time,” ani Reyes.
Bigo si Sotto na makapasok sa NBA matapos itong hindi makuha sa NBA Rookie Draft kamakailan sa New York.
Galing ang Gilas sa masaklap na ninth-place finish sa FIBA Asia Cup na ginaganap sa Jakarta.
Lumasap ang Pinoy squad ng 81-102 kabiguan sa kamay ng Japan sa playoffs upang tuluyang mamaalam sa kontensiyon sa Asia Cup.
-
May 7,000 erring motorcycle riders sinita
Sinita ng Philippine National Police (PNP) ang mahigit sa 7,000 na motorcycle riders dahil sa hindi pagtupad sa regulasyon tungkol sa backriding na ipinatutupad ng IATF simula ng payagan ng pamahalaan ang ganitong klaseng transportasyon sa ilalim ng GCQ. Marami sa mga backriding couples ay hindi sumusunod sa paglalagay ng barriers sa pagitan ng […]
-
Lead physician ni PBBM na si Dr. Zacate, bagong hepe ng FDA
ITINALAGA ni Pangulong Ferdinand Marcos Jr. ang kanyang lead physician na si Dr. Samuel Zacate, bilang pinuno ng Food and Drug Administration (FDA). Sinabi ni Press Secretary Trixie Cruz-Angeles na kuwalipikado si Dr. Zacate sa nasabing posisyon at walang kinalaman ang pagiging lead doctor nito kay Pangulong Marcos para italaga siya bilang bagong […]
-
Maging handa sa mga hamon, totoong laban nagsisimula pa lang, maging tapat sa pagsisilbi sa bayan’
BINIGYANG-diin ni Pangulong Ferdinand Marcos Jr., sa 310 graduates ng Philippine Military Academy (PMA) MADASIGON Class of 2023 na maging handa sa mga hamon na kanilang kakaharapin ngayong magsisimula na sila sa kanilang serbisyo publiko. Sabi ng Pangulo ang mga kadete ay hinasa at hinubog ng akademya para maging magagaling na mga opisyal […]