CLAUDINE, mas masarap nang katrabaho: MARK ANTHONY, nag-enjoy at na-challenge sa role na pinagawa sa kanya ni Direk JOEL

MASAYA si Mark Anthony Fernandez na muli silang nagkatrabaho ng ex-girlfriend niyang si Claudine Barretto sa suspense thriller na Deception.

Halos mahigit isang dekada mula nang magtambal sa GMA drama series titled Claudine si Mark at ang dating kasintahan.

Sabi ni Mark na mas masarap katrabaho si Claudine ngayon dahil mas mature na ito.

Bihira man silang nagkakausap during the lock-in shoot ng movie ay maganda naman ang working relationship nila.

Sabi pa ni Mark, nag-enjoy siya working with Direk Joel Lamanga, na siya rin sumulat ng script ng Deception.

He was challenged by the role assigned to him by Direk Joel and he was pushed to the limit.

May isang eksena raw na sinabi Direk Joel na kailangan niyang umiyak and very proud na sinabi ni Mark na nagawa niya ito in one take.

Showing na via streaming sa Vivamax ang Deception.

***

HINDI namin napanood ang interview ni Boy Abunda kay Vice President Leni Robredo kaya hindi kami makagbigay ng honest opinion kung hindi nga ba maganda ang outcome ng interview.

Nakatanggap ng bashing si Kuya Boy dahil hindi happy ang mga maka-Leni o ang Kakampinks with the way Kuya Boy handled the interview.

Hindi raw hinayaan ni Kuya Boy na tapusin ni VP Leni ang kanyang sagot kasi lagi raw sumasabad si Kuya Boy.

Eh may timer pa naman daw ang interview so kinain ng interjection ni Kuya Boy ang oras ni VP Leni.

Sabi naman ng ibang Kakampink, kahit daw ganoon ang nangyari, ay maayos naman nasagot ni VP Leni ang mga tanong sa kanya.

Proud pa rin ang mga Kakampink sa performance ni VP Leni nasabing interview.

Sabi naman nung mga hindi natuwa sa interview ni Kuya Boy, biased daw ang TV host dahil ang kanyang kapatid na Congresswoman ay tumatakbo or kapanalig ng partido ni Digong.

(RICKY CALDERON)