Congresswoman Vilma Santos-Recto, excited na sa magiging apo kina Luis at Jessy
- Published on December 19, 2020
- by @peoplesbalita
Thankful si Kapuso Primetime Princess Barbie Forteza na siya ang kinuha ng “Magpakailanman” para bumida sa special Christmas presentation at all-new episode ng #MPK ngayong Sabado, December 19.
“First time ko po kasing makakatrabaho ang dalawang mahuhusay na stage actors and singers na sina Sir Robert Sena at Ma’am Isay Alvarez,” kuwento ni Barbie. “Yes, napapanood ko na po sila on stage, pero ang makasama sa isang project ngayon lang. Ang huhusay nila, ang babait pa, at hindi ko rin alam na kalog pala silang pareho, samantalang seryoso at drama ang episode namin. Pero humugot po ako sa husay nilang umarte.”
Nakakaantig sa puso ang kuwento ni Bing (Robert), isang ama na pinatunayan sa kanyang mag-ina ang walang hanggang pagmamahal niya. Pero ang simula ng story ay larawan sia ng isang masayang pamilya, si Bing, si Joji (Isay) at ang anak nilang si Aly (Barbie). Subali’t isang malaking dagok ang kanilang kakaharapin nang magkasakit si Bing at tuluyan nang mawala. Kaya naman laking gulat na lang ni Aly nang makatanggap siya ng sulat mula sa namayapang ama. Ano kaya ang laman ng sulat na natanggap ni Aly?
Huwag i-miss ang “My Ever-Lasting Love: The Joji and Alyssa Mendoza Story” mamayang gabi, 8:15PM sa #MPK, mula sa direksyon ni Jorron Monroy.
*****
Dinadaan na lamang sa biro ni Congresswoman Vilma Santos sa anak na si Luis Manzano at sa fiancée nitong si Jessy Mendiola, na i-advance na ng mga ito ang kanilang magiging apo. Matagal na kasing ibinibiro ito ni Congresswoman Vi, hindi pa malay silang ma-engaged na dalawa,
“Pero ngayon, pwede na talaga, dahil ako ang tuwang-tuwa nang malaman kong natuloy na ang proposal ni Luis,” sabi ni Ate Vi. “October pa ay alam ko nang magpu-proposed na si Luis, pero na-delay pa nga at ngayong December na lamang sila natuloy.
“Ngayon, sila nang dalawa ang bahala at hihintayin na lamang namin kung kailan nga matutuloy ang wedding nila next year, middle of 2021.”
Siguro naman ay hindi na mapipigilan ng issue ng engagement ring ang nalalapit na pagpapakasal nina Luis at Jessy.
*****
Marami nang nalulungkot dahil simula sa Lunes, December 21, finale week na ng Philippine Adaptation ng Korean drama na “Descendants of the Sun,” na pinagtatambalan nina Kapuso Primetime King Dingdong Dantes at Ultimate Actress Jennylyn Mercado. Kasama rin nila rito sina Rocco Nacino at Jasmine Curtis-Smith. At ngayong huling linggo, ano kaya ang pasabog nina Capt. Manalo (Dingdong) at Dra. Maxine (Jennylyn)?
Kayanin kaya ni Big Boss na ipagpalit si Dra. Maxine sa kuya Rodel (Neil Ryan Sese) nito? Ang laki ng kasalanan ni Rodel sa ama ni Big Boss na muntik nang ikamatay nito, para patawarin lamang niya.
Matiis naman kaya ni Dra. Maxine ang pagmamahal niya kay Big Boss sa kanyang Kuya Rodel? Tunay na aangat kayo sa upuan ninyo sa panonood ng mga huling eksena ng “Descendants of the Sun PH” mula sa direksyon ni Dominic Zapata, sa huling linggo, pagkatapos ng “Encantadia” sa GMA-7. (NORA CALDERON)
-
Bowlers, judoka sumikwat ng ginto
HABANG tuluyan nang inangkin ng host Vietnam ang overall champion ay nakikipaglaban naman ang Pilipinas para sa No. 3 seat sa medal standings ng 31st Southeast Asian Games sa Hanoi. Dalawang gold medals lamang ang nakamit ng mga Pinoy athletes mula sa national men’s bowling team at kay judoka Rena Furukawa kahapon. […]
-
Ads March 3, 2020
-
P95 B Pasig River hybrid expressway nag ground breaking
Nagkaron ng ground breaking ceremony ang P95 billion na Pasig River Expressway (PAREX) project sa pangunguna ng San Miguel Corp. na siyang magdudugtong sa eastern at western cities ng Metro Manila. “I believe that this project is bound to be one of the most impactful projects during the time of President Duterte, in […]