Cool Smashers balik-ensayo agad para sa Asean Grand Prix
- Published on September 2, 2022
- by @peoplesbalita
BALIK-ENSAYO agad ang Creamline Cool Smashers para paghandaan ang sunod na pagsabak nito sa Asean Grand Prix na gaganapin sa Nakhon Ratchasima, Thailand sa Setyembre 9 hanggang 11.
Galing ang Cool Smashers sa dalawang magkasunod na torneo.
Una na ang Premier Volleyball League (PVL) Invitational Conference na pinagreynahan ng Cool Smashers.
Sunod ang Asian Volleyball Confederation (AVC) Cup for Women na ginanap sa Philsports Arena sa Pasig City kung saan gumawa ng kasaysayan ang Creamline matapos makuha ang ikaanim na puwesto.
Muling bibitbitin ng Cool Smashers ang bandila ng Pilipinas dahil sasabak ito sa Asean Grand Prix na lalahukan ng powerhouse Thailand, Vietnam at Indonesia.
“Very proud talaga ko sa teammates ko kasi hindi talaga biro yung pinagdaanan namin na tuluy-tuloy yung mga laro namin sa PVL, binuhos talaga lahat namin don, and then late notice nga namin nalaman na we were going to step up for the Philippines in the AVC,” ani playmaker Jia Morado.
Makukumpleto ang buong Cool Smashers patungong Thailand.
Makakasama na ng tropa si team captain Alyssa Valdez na tinamaan ng dengue na dahilan para hindi ito makalaro sa AVC Cup.
-
Legendary golfer Kathy Withworth pumanaw na 83
Pumanaw na ang legendary golfer na si Kathy Whitworth sa edad 83. Kinumpirma ito ng Ladies Professional Golf Association ng US ang pagpanaw ng award-winning golfer. Ayon sa LPGA na bigla na la mang itong nalagutan ng hininga haban nagdiriwang ng kapaskuhan. Hindi na nagbigay pa ng ibang detalye […]
-
Yulo kumolekta ng 8 golds sa Hong Kong
UNTI-unting gumagawa ng sariling pangalan si Karl Eldrew Yulo matapos humakot ng walong gintong medalya sa Chiu Wai Chung Cup na ginanap sa Hong Kong. Pinagharian ni Yulo ang juniors individual all-around para magarbong simulan ang kampanya nito sa torneo. Hindi nagpaawat si Yulo nang walisin nito ang anim na gintong […]
-
Mas matinding sitwasyon ang kakaharapin ng Phl kung ‘di ipatupad ang ECQ sa NCR – Concepcion
Tama ang ginawa ng private sector na imungkahi ang dalawang linggong enhanced community quarantine (ECQ) dahil kung hindi ay mahaharap sa mas malaking hamon ang Pilipinas bunsod ng banta ng Delta coronavirus variant, ayon kay presidential adviser for entrepreneurship Joey Concepcion. Mas ninais aniya ng private sector na irekomenda sa pamahalan na Agosto […]