COVID-19 booster shots, planong iturok sa mga seniors kasabay ng ‘national vaccination drive’
- Published on November 24, 2021
- by @peoplesbalita
Target ngayon ng pamahalaan na maturukan ng Coronavirus disease 2019 (COVID-19) vaccine booster shots ang mga senior citizen kasabay ng tatlong araw na national vaccination drive sa Nobyembre 29 hanggang Disyembre 1.
Ayon kay Department of Science and Technology (DOST) vaccine development expert panel head Dr. Nina Gloriani, puwede rin umanong mag-avail ang mga senior citizens ng karagdagang doses depende sa rollout ng booster shots para sa mga health-care workers.
Sa unang linggo ng Disyembre, target ng pamahalaan na mabakunahan na rin ng booster shots ang mga may comorbidities at ang mga indibidwal na nasa A3 group.
Ngayong araw, sinumulan na ng pamahalaan na mabigyan ng karagdagang bakuna ang mga fully-vaccinated health-care workers.
Una rito, inaprubahan na ng Food and Drug Administration (FDA) ang apat na vaccine brands na gagamitin sa booster shots kabilang na ang Pfizer, AstraZeneca at Sinovac bilang homologous third dose at Sputnik Light bilang heterologous third dose.
Sinabi naman ng Department of Health (DoH) na posibleng ang ibigay sa mga health-care workers ay Moderna, Pfizer o Sinovac vaccine brands para sa booster doses.
-
Lacson kay Sotto sa pagbabago sa 2021 budget: We cannot presume regularity
TALIWAS sa paniniwala ni Senate President Vicente Sotto III, sinabi ni Senator Panfilo Lacson na hindi maaaring magkaroon ng presumption sa regularidad ng P20 bilyong institutional amendments na inaprubahan ng “small committee” ng Kamara sa proposed 2021 national budget. “That is unconstitutional. So to say that there’s presumption of regularity I think is misplaced […]
-
Pagaganahin ang imahinasyon at interpretasyon sa movie: ROMNICK, puring-puri si ELIJAH at ‘di umaasang mananalo ng award
WALA talagang itulak kabigin sa kahusayan sa pag-arte nina Romnick Sarmenta sa Elijah Canlas sa psychological thriller-drama na “About Us But Not About Us” na entry ng IdeaFirst Company sa 1st Summer Metro Manila Films Festival na nagsimula noong April 8 at magtatapos sa April 18, 2023. Sa imbitasyon ni Direk Perci Intalan, […]
-
Ex-DOH secretaries, doctors umapela kay Pres. Duterte na ‘wag harangan ang Senate probe
Nagsama-sama ang daan daang mga doktor maging ang ilang dating mga Health secretaries upang manawagan kay Pangulong Rodrigo Durterte na sana ay ‘wag harangin ang ginagawang imbestigasyon ng mga senador sa umano’y anomalya sa paggamit ng COVID-19 response. Naglabas ng statement ang Philippine College of Physicians (PCP), na pinirmahan ng maging dating mga […]