CSB, JRU riot sa NCAA
- Published on November 10, 2022
- by @peoplesbalita
NAUWI sa rambulan ang laban ng College of Saint Benilde at Jose Rizal University dahilan upang ipatigil ito ng pamunuan ng liga kahapon sa NCAA Season 98 men’s basketball tournament sa The Arena sa San Juan City.
Lamang ang Blazers sa iskor na 71-51.
Kaya naman idineklarang panalo ang Benilde para makuha nito ang ika-10 panalo sa 13 pagsalang.
Nag-ugat ang lahat nang suntukin ni Heavy Bombers cager John Amores ang tatlong players ng Blazers na sina Jimboy Pasturan, Taine Davis at Mark Sangco, may 3:22 pang nalalabi sa ikaapat na kanto.
Kaya naman nagdesisyon na ang NCAA Management Committee na itigil na lamang ang laro para hindi na lumala pa ang kaguluhan at para na rin sa kaligtasan ng mga players, coaches at audience.
Sinang-ayunan ang desisyon nina JRU athletic director Paul Supan at CSB athletic director Dax Castellano.
Nakatakdang magsagawa ang NCAA ManCom ng imbestigasyon upang malaman ang tunay na dahilan ng kaguluhan.
Inaasahang may mapapatawan ng parusa sa oras na matapos ang imbestigasyon.
Dahil dito, bumagsak sa 6-7 ang rekord ang Heavy Bombers.
Nanguna para sa Benilde si Pasturan na kumana ng 18 puntos habang nakalikom naman si Will Gozum ng double double na 15 points at 10 rebounds.
Sa unang laro, ginulantang ng Emilio Aguinaldo College ang University of Perpetual Help System Dalta, 59-53 panalo para masikwat ang kanilang ikalawang panalo.
-
Navigating Corporate Social Responsibility: A Balanced Approach
Corporate Social Responsibility (CSR) is more than just business philanthropy. More than a strategic approach that businesses adopt to ensure a positive impact on society, it shows that behind every business are humans that embody an organization’s values and objectives. This blog explores the multifaceted concept of CSR, delving into its historical evolution, the business […]
-
Utol ni Percy Lapid kumbinsidong hindi ‘fall guy’ si Escorial
KUMBINSIDO si Roy Mabasa, kapatid ni Percy Lapid na hindi fall guy si Joel Escorial at ito mismo ang bumaril at nakapatay sa kanyang kapatid noong Oktubre 3 sa Las Piñas. Sa kanyang pagsama sa ginawang walk through sa crime scene ng pulisya, sinabi ni Mabasa na nagkaroon siya ng pagkakataon na makausap […]
-
SINAKSIHAN ng libo-libong Navoteños ang Grand Parade
SINAKSIHAN ng libo-libong Navoteños ang Grand Parade na bahagi ng pagdiriwang ng ika-118th Navotas Day para personal na makita ang kanilang mga hinahangaang artista na sina Bianca Umali at Jillian Ward sakay ng makukulay na mga float, kasama sina Congressman Toby Tiangco at Mayor John Rey Tiangco. Sumama din sa parada ang mga opisyal, empleyado, senior […]