Dagdag pang 600K driver’s license plastic cards, dumating na sa LTO
- Published on April 17, 2024
- by @peoplesbalita
TINIYAK ni Land Transportation Office (LTO) Chief Vigor Mendoza na makukumpleto na ang 3.2 milyong backlog sa plastic cards ng driver’s license sa loob ng 45-araw.
Ito ay makaraang matanggap na rin ng LTO ang 600,000 pang piraso ng plastic cards na ginagamit sa pag-imprenta ng driver’s license cards.
Aniya, ang paghahatid ng karagdagang plastic cards ay makakatugon sa backlog sa mga plastic-printed driver’s license.
Una dito, ang unang isang milyong piraso ng plastic cards ay naihatid noong Marso 25 matapos alisin ng Court of Appeals ang injunction order sa paghahatid ng natitirang hindi naideliver na plastic cards mula sa kumpanyang Banner Plastic na nanalo sa bidding para sa delivery ng plastic cards noong nakaraang taon.
Isang araw matapos maihatid ang isang milyong piraso ng plastic card, agad na naglabas ang LTO ng schedule ng renewal ng expired na driver’s license upang tuluyang makuha ng mga motorista ang kanilang plastic-printed driver’s license.
Layunin ng renewal schedule na matiyak ang maayos na pagproseso at pamamahagi ng mga plastic-printed plastic card sa lahat ng tanggapan ng LTO sa buong bansa. (Daris Jose)
-
15 milyong pasahero nakinabang sa libreng sakay ng MRT-3
INIULAT kahapon ng Department of Transportation (DOTr) na umaabot na sa mahigit 15 milyong pasahero ang napagsilbihan ng libreng sakay na ipinagkakaloob ng pamunuan ng Metro Rail Transit Line 3 (MRT-3). Ayon sa DOTr-MRT-3, kabuuang 15,381,945 pasahero na ang nakinabang sa libreng sakay mula nang simulan ang programa noong Marso 28 hanggang nitong […]
-
Nagluluksa ngayon sa biglaang pagpanaw: BILLY, nag-sorry sa ama dahil ‘di man lang nakita at nakausap
KINUMPIRMA ng “The Voice Kids Philippines” coach na si Billy Crawford ang malungkot na balita noong Linggo, Sept. 22. Sa pamamagitan ng kanyang social media, ibinahagi ni Billy sa biglaang pagkamatay ng kanyang ama na si Jack Crawford na nakatira sa Texas, USA. Wala pang ibinigay na detalye si Billy tungkol sa dahilan […]
-
Mambabatas, nananawagan sa DOH at PhilHealth na bayaran ang unpaid bills ng mga indigent patients sa ospital
NANANAWAGAN si Agri Partylist Rep. Wilbert Lee sa Department of Health (DOH) at Philippine Health Insurance Corporation (PhilHealth) na bayaran ang hindi nabayaran o unpaid bills ng mga indigent at financially incapacitated patients sa private at public hospitals na kadalasang nagreresulta sa naantalang treatment at denial ng gamutan. Sa House Resolution No. 2104, […]