Dahil sa birthday greetings ni LJ kay SUMMER: PAOLO, tinatanong ng netizens kung bumati o naalala ang anak

DAHIL sa birthday greetings ni LJ Reyes sa anak na si Summer, ang daming netizens at mga kapwa celebrities ang bumati rito sa Instagram ni LJ.

Pero kasabay nito, may mga netizens din na nagtatanong kung paano naman daw ang daddy ni Summer, bumati rin daw or naalala rin daw kaya ang birthday ng anak.

Siyempre, may mga nagbanggit at nag-mention na naman ng “As a Friend in Baguio & Boracay” with Yen Santos at baka raw busy pa.

Pero for sure naman, naaalala ni Paolo kung hindi man niya publicly binati ang anak nil ani LJ.

Yun nga lang, wish pa rin namin na sana sa ikatlong anak na babae ni Paolo, which is si Summer nga, sana maiba naman, hindi matulad sa halos kawalan na ng relationship o communication niya bilang tatay tulad sa dalawang anak niyang babae kay Lian Paz.

Marami naman ang na-inspire sa birthday greetings ni LJ kay Summer na ayon dito, “God sent angel” daw sa kanila ang tatlong taong anak.

***

MUKHANG naka-focus ngayon sa business ang bagong mag-asawa na sina Derek Ramsay at Ellen Adarna. 

Nag-post nga si Derek ng picture at logo ng “Tigercon.”

Wala pang detalye pero, sa caption nito, sinabi niyang, “Our new venture as husband and wife! Thank you Lord!!!”

Tila wala pang planong bumalik sa pag-arte mapa-teleserye man o pelikula si Derek. Nagsimula na hindi tumanggap ng kahit anong work sa telebisyon si Derek nang magkaroon ng pandemic at halos dalawang taon na, pero mukhang wala pa rin itong balak na bumalik anytime soon.

Nang may magtanong kasi rito kung may gagawin ba siyang teleserye, sunod-sunod na pag-iling ang naging sagot niya.

***

NATAWA ang mga followers ng Kapuso actress na si Max Collins dahil sa kanyang post sa Instagram.

Kasunod ng pinost niyang picture na “sakit ulo” pose ay ang caption niya na, “Sumakit ulo ko sayo Gwyneth.”

Ilan sa mga comments sa post na ito ni Max, “The best caption I’ve seen today.”

“Caption of the year. Ha ha ha”

“Ang ganda pa rin kahit masakit ang ulo.”

Siyempre, natawa ang karamihan dahil halos lahat, knows agad kung sino ang “Gwyneth” na tinutukoy ni Max. Walang iba kung hindi ang tinaguriang Poblacion girl na or Omicron Girl na si Gwyneth Chua.

Sinundan pa ni Max ng kasunod na IG post na ang caption naman, “Suit up for Omicron.”

Dahil naman sa magkasunod na IG post ni Max tungkol sa Omicron at kay Poblacion girl, medyo nag-worry kami para rito. Hindi kasi typical kay Max ang mga ganitong caption.

Nag-private message kami sa kanya at kinumusta kung okay lang ba siya. Nag-reply naman ito agad at nagsabing okay lang siya.

Sinabi namin na akala namin, baka nahawahan din siya ni Poblacion Girl, yun pala, hindi raw siya, pero may mga kaibigan daw siya na nahawa.

Sa ngayon, extra careful na lang muna raw siya at nasa bahay lang. Kahit lunch or dinner, ina-avoid na raw niya sa labas.

(ROSE GARCIA)