• February 28, 2024
  • Ang Diyaryong Pinagkakatiwalaan

Dapat nga bang palitan angPangalan ng NAIA at gawing ‘Paliparang Pandaigdig ng Pilipinas’?

Dadaan pa sa mahabang proseso ang panukala ni presidential son at Davao City Rep. Paolo Duterte na baguhin ang pangalan ng Ninoy Aquino International Airport (NAIA).

 

Una nang naghain ng panukala sa Kamara ang eldest son ng Pangulong Duterte, kasama sina Rep. Lord Allan Jay Velasco (Marinduque) at Rep. Eric Go Yap (ACT-CIS) ng House Bill 7031 na naglalayong palitan ang pangalan ng NAIA sa PPP o ang Paliparang Pandaigdig ng Pilipinas.

 

Tulad ng ibang proseso, ang proposed bill ay ikakalendaryo pa sa first reading at sasailalim sa pagdinig ng House committee on transportation para sa masusing deliberasyon.

 

Liban nito, kailangan din ang counterpart bill sa Senado.

 

Nakapaloob sa paliwanag ng presidential son na ang pagbabago sa pangalan ay mas kumakatawan sa bansa bilang pangunahing international gateway.

 

Ito rin daw ay magiging repleksiyon ng legacy ng mga Pilipino na walang kulay politika o kaya political agenda.

 

Kung ipapaalala ang Ninoy Aquino International Airport ang dating pangalan ay Manila International Airport.

 

Binago ito sa ilalim ng administrasyon ni dating Pangulong Corazon Aquino batay sa Republic Act 6639 na pinagtibay noong Dec. 10, 1987.

 

Ang pangalan ay pagkilala rin sa pagbuwis ng buhay ni dating Sen. Ninoy Aquino na pinatay sa kanyang paglapag sa paliparan noong August 21, 1983.

Other News
  • Ads January 26, 2021

  • Carlos Yulo gold sa parallel bars sa Baku

    Nasungkit ni Carlos Yulo ang kanyang unang gintong medalya sa FIG Artistic Gymnastics World Cup Series sa Baku, Azerbaijan matapos pagharian ang parallel bars final noong Sabado ng gabi..   Matapos mapalampas ang final sa kanyang pet event floor exercise, si Yulo ay higit na nakabawi dito sa isang perpektong routine sa parallel bars para […]

  • Vietnam sa Oktubre pa magdedesisyon kung tuloy ang paghawak nila ng SEA Games

    Mayroong hanggang sa susunod na buwan ang Vietnam para pagdesisyunan kung matutuloy ang pagsasagawa ng 31st Southeast Asian Games.     Sinabi ni Philippine Olympic Committee (POC) president Pres. Abraham “Bambol” Tolentino na binigyan ng SEA Games Federation ang Vietnam para pagdesisyunan kung kanila bang itutuloy o kakanselahin ang nasabing torneo.     Ito rin […]