DepEd, naglaan ng P1-B na pondo para sa expansion phase ng limited F2F classes
- Published on March 18, 2022
- by @peoplesbalita
NAGLAAN ng humigit-kumulang isang bilyong piso ang Department of Education (DepEd) bilang support funds para sa lahat ng pampublikong paaralan sa buong bansa.
Ayon kay Education Secretary Leonor Briones na ito ay bilang paghahanda ng kagawaran para sa mas dumarami pang mga paaralan na nakatakdang lumahok sa progressive expansion ng limitadong face-to-face classes sa bansa.
Iniulat naman ni Undersecretary for Finance Annalyn Sevilla na ang kagawaran ay naghanda ng pondo para sa Maintenance and Other Operating Expenses (MOOE) sa pagpapatupad ng safety measures laban sa COVID-19 sa mga paaralan at makapagbigay ng mga learning materirals para sa blended learning ng mga mag-aaral.
Ang naturang budget ay ipammahagi sa lahat ng mga public schools na maaaring gamitin para magkaroon ng mga telebisyon, speakers, at laptop ang mga silid-aralan para suportahan ang blended learning ng naturang expansion phase ng isinasagawang in-person classes sa bansa.
Samantala, muli namang binigyang-diin ni Secretary Briones na hindi ibig sabihin ng programang progressive face-to-face classes ng kagawaran ay iiwanan na aniya ang konsepto ng blended learning.
Magugunita na noong Marso 1 ay iniulat ng DepEd na mayroong 4,295 na paaralan sa 6,213 na mga eskwelahan ang nagpapatupad na ng limitadong face-to-face classes sa buong bansa. (Bishop Jesus “Jemba” M. Basco)
-
SEA Games federation magpupulong muna kung tuluyang kakanselahin ang torneyo
Magpupulong ang Southeast Asian (SEA) Games federation para malaman ang kahihinatnan ng biennial event na gaganapin sa Vietnam. Sinabi ni Philippine Sports Commission (PSC) Commissioner Ramon Fernandez, ang chef de mission to the Vietnam SEA Games, isasagawa ang pagpupulong sa darating na Hunyo 24. Kabilang sa dadalo sa pulong sina Philippine […]
-
Kapuso actress Rich Asuncion, masaya at kuntento sa buhay sa Australia
Happy at kuntento na ang Kapuso actress na si Rich Asuncion sa buhay sa Australia kasama ang mister na si Benjamin Mudie at anak na si Bela Brie. Kahit malayo sa pamilya niya sa Bohol, parati naman daw sila nagbi-video call. Kelan lang nga ay nag-celebrate ng 2nd birthday si Bela noong December 4 […]
-
COVID pandemic: Nasa 3-M manggagawang nawalan ng trabaho, bibigyan ng cash aid – DOLE
Kinumpirma ng Department of Labor and Employment (DOLE) na aabot sa 3.3 milyon ang bilang ng mga manggagawang nawalan ng trabaho dahil sa Coronavirus Disease (COVID) pandemic. Sa naging panayam kay Labor Secretary Sylvestre Bello III, sinabi niya na karamihan sa mga manggagawang nawalan ng trabaho ay galing sa mga restaurant, hotels, transportasyon, clerical […]