DFA, idinepensa ang pag-abstain ng Pinas sa UN resolution na nananawagan ng Israel-Hamas ‘humanitarian truce’
- Published on November 2, 2023
- by @peoplesbalita
NAGPALIWANAG si Foreign Affairs Secretary Enrique Manalo kung bakit nag-abstain ang Pilipinas mula sa pagboto sa United Nations General Assembly (UNGA) resolution na nananawagan ng “immediate, durable, and sustained humanitarian truce leading to a cessation of hostilities” sa pagitan ng Israel at militanteng grupong Hamas.
Ang katuwiran ni Manalo, hindi kasama sa panukalang resolusyon ang terrorist attacks noong Oktubre 7.
“There was one issue that was not reflected and that was the mention of the terrorist attacks on October 7 where in our case, four Filipinos were confirmed to have been killed during the attacks,” ayon kay Manalo.
Ang paliwanag pa ni Manalo, kumbinsido kasi ang Pilipinas na mahalaga sa resolusyon na isama ang terrorist acts lalo pa’t may 4 na filipino ang nasawi at dalawa pa ang nananatiling nawawala.
Inamin ni Manalo na ipinagpapalagay na ng pamahalaan na ang dalawang filipino na nawawala ay bihag ng mga Hamas.
Sa kabila ng abstention, sinabi ni Manalo na nananatiling suportado ng Pilipinas ang humanitarian efforts ng United Nations sa Gaza.
“We will continue to support the efforts of the United Nations to put a stop to the suffering in Gaza and to hope that we can open a humanitarian corridor,” ayon kay Manalo.
Aniya pa, ang pag-abstain mula sa pagboto ay hindi nangangahulugan na kontra ito sa resolusyon.
“Please note that abstention does not mean you are against the resolution, we just felt that there was something important to the Philippines that should have been mentioned in,” paliwanag ni Manalo. (Daris Jose)
-
TABLET NA BINIGAY NG QC GOVERNMENT BUKING NA GINAGAMIT SA ONLINE SUGAL
PINAIIMBESTIGAHAN na ng Quezon City government kung paano nagagamit sa online sabong ang mga tablet na ipinamigay ng lokal na pamahalaan. Dismayado ngayon si QC Mayor Joy Belmonte dahil ayon sa kanya ay inilaan sa pag-aaral ang mga ito ngunit napupunta sa sugal. Para umano sa mga bata ito at dapat manatili na gamitin para lamang […]
-
NBI, inatasan ni PDu30 na magsagawa ng masusing imbestigasyon hinggil sa nangyaring shootout sa QC
INATASAN ni Pangulong Rodrigo Roa Duterte ang National Bureau of Investigation (NBI) na magsagawa ng masusing imbestigasyon kaugnay sa nangyaring shootout sa Commonwealth Avenue, Quezon City. Ipinag-utos din ng Pangulo sa binuong joint panel ng Philippine National Police (PNP) at Philippine Drug Enforcement Agency (PDEA) na itigil na ang isinasagawa ng mga itong imbestigasyon. […]
-
Gin Kings wapakels sa papansin ni Slaughter
DINEDMA lang ng kampo ng Barangay Ginebra San Miguel ang papansin ng dating higante nilang manlalarong si Gregory William (Greg) Slaughter. Oktubre 6 o Martes nang magpaskil ng litrato sa Instagram si Gregzilla na nakabalik na ng Maynila mula sa Estados Unidos ng Amerika. “It’s good to be back home!” caption niya. […]