DHSUD, target na magtayo ng 6M housing units sa termino ni PBBM
- Published on September 16, 2022
- by @peoplesbalita
TARGET ng Department of Human Settlements and Urban Development (DHSUD) na magtayo ng anim na milyong housing units sa susunod na anim na taon sa pamamagitan ng Pambansang Pabahay para sa Pilipino program.
Ito ayon kay DHSUD Assistant Secretary for Support System Avelino Tolentino ay may production average rate na isang milyong housing units kada taon.
Sa Laging Handa public briefing, sinabi ni Tolentino na ang pondo na ilalaan sa programa ay hindi direktang gagamitin sa housing construction, sa halip ay sa housing interest support.
“Kapag po naglagay tayo ng housing interest support doon sa ating mga benepisyaryo, tataas po ang kanilang affordability level at magiging bankable po sila –meaning to say, iyong account po nila, puwede po nating i-takeout sa bangko at iyon po ang sikreto ng programang ito dahil po hindi na po magiging dependent sa General Appropriations Act ang pagtatayo po ng pabahay,” anito.
Tinukoy ni Tolentino ang data mula sa Philippine Statistics Authority na nagpapakita na ang bansa ay nangangailangan ng 6.5 milyong housing units kada taon.
“So iyan po ang gusto nating solusyunan, gusto nating sagutin; kaya nga po ang programa ng ating Pangulong Bongbong Marcos ay ang magkaroon po, mag-produce po tayo ng one million housing units per year,” ayon kay Tolentino.
Sinabi pa ni Tolentino na ang Pambansang Pabahay para sa Pilipino program ay hindi lamang niya nakikitang solusyon sa housing backlog kundi maging makapagdadala ng mga pakinabang sa ekonomiya para sa bansa matapos ang pandemiya.
Sa House Committee on Appropriations budget hearing kasama ang DHSUD, natuwa ang mga mambabatas na marinig ang tungkol sa programa, sabay sabing “it is innovative” at “out of the box”.
Ani Tolentino, ang papel ng Kongreso ay napakahalaga para makatulong sa maayos na implementasyon ng mga programa ng DHSUD.
“Kailangang-kailangan po ang tulong ng ating mga kongresista dahil ito pong programang ito ay mangangailangan po ng pondo na ang magdi-desisyon po ay ang ating House of Representatives. So natutuwa po kami at nakikita namin sila na magiging partners dito sa ating programang ito ,” ayon kay Tolentino.
Samantala, sinabi naman ni DHSUD Secretary Jose Acuzar, mula nang maupo siya sa kanyang puwesto ay nakipagpulong na siya sa local government units (LGUs) at binisita ang mga posibleng housing project sites sa buong bansa.
Sinabi ni Acuzar, mayroon ding mahalagang papel ang LGUs para gawing posible ang inisyatiba ng ahensiya. (Daris Jose)
-
Bagong highly transmissible Omicron XBB subvariant at XBC variant, na-detect na sa PH
NAKAPAGTALA na ang Pilipinas ng bagong mas nakakahawang Omicron XBB subvariant at XBC variant ayon sa Department of Health (DOH). Iniulat ng DOH na nasa 81 kaso ng Omicron XBB subvariant ang na-detect mula sa dalawang rehiyon sa bansa. Ayon kay DOH officer-in-charge Maria Rosario Vergeire, nasa 70 dito ay nakarekober […]
-
P8 bilyong pisong intelligence fund, gagamitin sa mga terorista, komunista at drug lords- Sec. Roque
PATULOY pa rin ang banta ng mga terorista, Islamic State of Iraq and Syria (ISIS), komunista at mga drug lords kahit may pandemya. Dito ani Presidential Spokesperson Harry Roque mapupunta ang P8 bilyong piso sa national budget para sa surveillance ngayong taon. “Hindi naman ibig sabihin na pandemya ay tigil na muna ang terorismo. […]
-
13 POSTERS SPOTLIGHT EVERY MAJOR CHARACTER IN “SCREAM VI”
PARAMOUNT Pictures has just revealed the character posters for its upcoming horror sequel, Scream VI. The character one-sheets spotlight all the major players in the new movie, from returning icons such as Courteney Cox and Hayden Panettiere to recent new favorites Jenna Ortega, Melissa Barrera, Jasmin Savoy Brown and Mason Gooding. There are […]