DILG kumanta na: Espenido pasok sa narco list
- Published on February 15, 2020
- by @peoplesbalita
KINUMPIRMA ni Department of Interior and Local Government (DILG) Secretary Eduardo Año na kasali si Police Lieutenant Colonel Jovie Espenido sa drug watchlist ng pamahalaan.
“Yes, that’s true and he will also undergo validation and possible investigation,” saad ni Año.
Una nang itinangging aminin o i-deny ni Philippine National Police (PNP) chief Police General Archie Francisco Gamboa na isa si Espenido sa mga pasok sa listahan at sinabing hindi nila isasapubliko ang mga pangalang sangkot sa may 357 kabuuang pulis na nasa narco list o dawit sa illegal drugs trade.
Sa panayam kay Gamboa, matapos ang body mass index test sa 80 mga pulis, sinabi nito nainsulto siya sa nangyari dahil nakiusap umano ito sa media na huwag ilahad sa publiko kung sino-sino ang nasa listahan dahil kailangan pang isailalim ang mga ito sa validation.
Hindi naman kinumpirma ni PNP chief na kabilang si Espenido sa bagong drug list ni Pangulong Rodrigo Duterte.
Dumistansya si Gamboa tungkol kay Espenido at sinabing hindi nya sasagutin ang mga tanong ukol dito.
Nabatid na si Espenido ay isa sa mga frontliner police officers ng Pangulo sa kampaniya ng administrasyon kontra iligal na droga.
Naging laman ng balita ang pangalan ni Espenido matapos masawi ang mga suspected narco politicians na sina Albuera, Leyte Mayor Rolando Espinosa at Ozamis Mayor Reynaldo Parojinog habang siya ang nagsisilbing chief of police sa nabanggit na mga lugar.
-
P6.9 MILYON HALAGA NG SHABU GALING SA SOUTH AFRICA, NABUKING SA PACKAGE
TINATAYANG P6.9 milyon halaga ng hinihinalang shabu ang nasabat ng pinagsamang pwersa ng Philippine Drug Enforcement Agency (PDEA), Bureau of Custom (BoC) at Cavite Police sa isang package na ipinadala galing sa South Africa na ipinadala sa isang recipient sa Imus City, Cavite, Lunes ng hapon. Kinilala ang inaresto na tumanggap ng package […]
-
Assistant Coach ng Magnolia na si Johnny Abarrientos, magmumulta ng P10K
Pinatawan ng P10,000 na multa ng Philippine Basketball Association (PBA) si Magnolia Hotshots assitant coach Johnny Abarrientos. Ito ay matapos na magsenyas ng middle finger kay Converge import Jamal Franklin sa laro nila nitong Linggo. Ayon kay PBA Commissioner Willie Marcial na kanilang nakausap ang dating PBA player at pinagsisihan niya ang kaniyang […]
-
Martin ‘di makakalaro sa Gilas sa World Cup
Malabong makalaro si Fil-Am guard Remy Martin para sa Gilas Pilipinas sa 2023 FIBA World Cup na idaraos sa Pilipinas. Ito ang inihayag ni Samahang Basketbol ng Pilipinas (SBP) assistant executive director Butch Antonio dahil pa rin sa patakarang ipinatutupad ng FIBA. Base sa rules and regulations ng FIBA, kailangang nakakuha […]