• July 3, 2024
  • Search in People's Balita

  • Ang Diyaryong Pinagkakatiwalaan

 

DoH, naglaan ng P31 million na halaga ng gamot at mga supplies para sa tinamaan ng bagyong Paeng

KINUMPIRMA ng Department of Health (DoH) na naka-preposition na ang nasa P31,063,736.14 na halaga ng gamot at medical supplies at iba pang mga commodities sa mga rehiyon na labis na naapektuhan ng Severe Tropical Storm Paeng.
Sinabi ng departamento na ang mga suplay ay dinala na sa Ilocos Region, Cagayan Valley, Cordillera Administrative Region, Calabarzon, Mimaropa, Bicol Region, Western Visayas, Central Visayas, Eastern Visayas, Caraga, Bangsamoro Region at National Capital Region (NCR) bago pa man tumama ang bagyo.
Mayroon din umanong P72,803,656.64 na halaga ng commodities ang inihanda na para sa mobilization sa DoH Central Office Warehouse.
Sinabi ni DoH officer-in-charge Health Secretary Maria Rosario Vergeire na bago pa man mag-landfall ang bagyo ay nakahanda na ang DoH dahil alam daw nilang marami ang maaapektuhan ng bagyo sa buong bansa.
Maliban sa mga tulong na ito, mayroon na rin umanong idineploy ang human resources for health (HRH) na kanilang mga tauhan sa 633 evacuation centers nationwide.
Ito ay para siguruhing patuloy ang provision ng essential healthcare services sa mga lugar na sinalantan ng bagyo.
Naatasan ang human resources for health na mag-screen sa mga evacuees sa mga evacuation centers at naatasang tutukan ang health, nutrition, medical, psychosocial at water-sanitation-hygiene services.
Nagsagawa rin ang mga ito ng rapid health assessments para ma-evaluate ang kondisyon ng mga apektadong indibidwal.
Una na ring inilagay ang mga DoH Regional Hospital sa high alert para paghandaan ang agarang deployment o augmentation maging ang anticipation sa posibleng pagtaas ng hospital admissions.
Mahigpit ding binabantayan ng DoH ang mga apektadong health facilities kabilang na ang cold chain facilities at equipment para masiguro ang tuloy-tuloy pa operasyon.
Other News

  • Kautusan ng DILG na hindi ipaalam ang brand ng COVID 19, binatikos ng CBCP

    Hindi sang-ayon ang opisyal ng Catholic Bishops’ Conference of the Philippines hinggil sa kautusan sa Local Government Units na huwag i-anunsyo sa publiko ang brand ng vaccine na gagamitin sa pagbabakuna.     Ayon kay Military Bishop Oscar Jaime Florencio, na siyang Vice-Chairman ng CBCP-Episcopal Commission on Health Care, hindi ito patas para sa mamamayan […]

    read more

  • Dec. 26, special (Non-Working) day sa buong bansa

    IDINEKLARA ng Malakanyang na special  (NON-WORKING) day sa  buong bansa ang Disyembre 26, 2023, araw ng Martes.     Ito ang nakasaad sa Proclamation No. 425, na ipinalabas ng Malakanyang, Disyembre 12, araw ng Martes, na pirmado ni Executive Secretary Lucas Bersamin.     Sa ulat, ang araw ng Pasko, Disyembre 25 ay inoobserba bilang […]

    read more

  • FACE SHIELD ORDINANCE ng QUEZON CITY na NAGPAPATAW ng MULTA at PAGKAKULONG – DAPAT MAAMYENDAHAN!

    Noon pa man ay sumulat na ang Lawyers for Commuters Safety and Protection (LCSP) sa Quezon City Council para ma-amyendahan ang 0rdinance 2965 o ang Mandatory Wearing of Face Shield Ordinance na ipinasa noong August 24, 2020 at nilagdaan ng Mayor noong September 17 2020. Sa kung sino man ang lalabag, ang karampatang parusa na ipapataw, […]

    read more
People's Balita.
All rights reserved. © Copyright 2024.