DSWD, planong parusahan ang nagpapautang na tumatanggap ng 4Ps ATM card bilang kolateral
- Published on February 6, 2024
- by @peoplesbalita
PLANONG Department of Social Welfare and Development (DSWD) na parusahan ang mga nagpapautang para mapigilan ang mga ito na tanggapin ang Pantawid Pamilyang Pilipino Program (4Ps) cash cards bilang kolateral o pang-garantiya mula sa mga mangungutang.
Ipinanukala ng 4Ps National Program Management Office (NPMO) ng DSWD na amiyendahan ang Republic Act No. 11310, o mas kilala bilang 4Ps Law, na magpaparusa sa mga nagpapautang dahil sa pagtanggap ng mga ito ng cash cards bilang sangla.
Sa ngayon, ang parusa para sa nagpe-prenda ng kanilang cash cards sa mga nagpapautang ay ang pag-alis sa kanila bilang benepisaryo ng programa ng 4Ps.
Hinikayat naman ni Director Gemma Gabuya, National Program Manager ng 4Ps, ang mga benepisaryo na iwasan na makipagkasundo sa mga nagpapautang at iprenda ang kanilang cash cards.
“Nag-iispot check kami during the family development sessions na dapat dala nila ang ATM, dahil bawal ‘yun [pagsasanla ng 4Ps cash card]. They can be delisted from the program,” ayon kay Gabuya.
Pinayuhan din nito ang mga 4Ps beneficiaries na maging modelong mamamayan na sumusunod sa alituntunin ng programa dahil maaaring silang mawala sa listahan dahilan sa kanilang “misbehavior” matapos ang tatlong babala kung matutuklasan na ginagamit nilang kolaterala ng kanilang cash cards sa mga nagpapautang.
“You have to take care of the resources of the government. Ikaw dapat ang nag-momodel kung ano ang mukha ng programa,” ayon kay Gabuya.
Ang Pantawid Pamilyang Pilipino Program (4Ps) ay isang hakbang ng pambansang pamahalaan para sa pagpapabuti ng kalagayang pantao ng ating mga kababayan.
Nagbibigay ito ng kondisyonal na tulong-pinansiyal para sa pinakamahihirap na Pilipino upang pabutihin ang kalusugan, nutrisyon, at edukasyon ng mga batang may edad 0 hanggang 18 taong gulang.
Kailangang matupad ng mga pamilya ang mga kondisyon ng pamahalaan upang maibigay sa kanila ang tulong-pinansiyal.
Halaw ito sa programang Conditional Cash Transfer (CCT) ng mga bansa sa Latin Amerika at Aprika, na naialpas sa kahirapan ang milyon-milyong tao sa buong mundo.
Ang Department of Social Welfare and Development (DSWD) ang punong ahensiya ng pamahalaan na namamahala sa 4Ps. (Daris Jose)
-
“DUNGEONS & DRAGONS: HONOR AMONG THIEVES” UNLEASHES PAYOFF POSTER
AN adventure of epic proportions. Check out the payoff poster for Paramount Pictures’ Dungeons & Dragons: Honor Among Thieves and get ready to see it in cinemas across the Philippines March 29, 2023. [Watch the film’s trailer below: https://www.youtube.com/watch?v=vKpDpZ5Di3Q&t=129s About Dungeons & Dragons: Honor Among Thieves A charming thief and a band of unlikely adventurers undertake an […]
-
“Appointed Son of God” na si Quiboloy, kayang ipagtanggol ang sarili sa Korte-Malakanyang
BILANG PRIBADONG indibidwal, kayang-kayang ipagtanggol ni Kingdom of Jesus Christ (KOJC) founder Pastor Apollo Quiboloy ang kanyang sarili sa korte. Ang pahayag na ito ni Acting presidential spokesperson Martin Andanar ay matapos na ianunsyo ng United States Department of Justice (US DOJ) na pumayag na ang co-accused ni Quiboloy na makipagtulungan sa US […]
-
Kabilang ang prestigious na Artist of the Year: TAYLOR SWIFT, naghakot na naman ng top awards sa ‘2022 American Music Award’
HINAKOT ni Taylor Swift ang mga top awards sa nakaraang 2022 American Music Award na ginanap sa Microsoft Theater in Los Angeles noong nakaraang November 20. Anim na awards ang napanalunan ni Taylor, kabilang na ang prestigious na Artist of the Year. Napanalunan ni Taylor ang Favorite female pop artist, Favorite pop album, […]