DTI at mga attached agencies nito, nangakong mamadaliin ang pautang para sa mga small businesses

KAPWA nangako sina Labor Sec Silvestre Bello III ang Department of Trade & Industry at attached agency nitong small business corporation na ipa- fast track nila o pabibilisin ang pagproseso sa mga soft loans o pautang para sa mga micro and small business enterprises.

Ito ay bilang pambayad ng 13th month pay ng mga employers sa kanilang mga manggagawa ngayong Disyembre kahit pa isa ang kanilang negosyo sa matinding naapektuhan ng Covid 19 pandemic.

Sinabi ni Sec. Bello na bago mag Disyembre ay naipagkaloob na ang mga pautang nang sa ganon ay bago mag Dec. 24 ay maipamahagi na ito ng mga employers sa kanilang mga manggagawa alinsunod na rin sa itinatakda ng batas.

Nauna nang sinabi ng Kalihim na may nakalaan ng P4 bilyong pisong pondo ang DTI at small business corporation bilang soft loans o pautang sa mga micro and small business enterprises.

Aniya, handa rin ang Rural Bankers Association of the Philippines na magpautang sa mga maliliit na negosyo yan ay kung hindi mabibigyang subsidiya ng pamahalaan ang pondo para sa pagkakaloob ng 13th month pay ng mga manggagawa na nagttrabaho sa micro at small business enterprises.