DTI: Mag-stock na ng pang-Noche Buena
- Published on August 29, 2022
- by @peoplesbalita
DAHIL simula na ng “ber” months sa susunod na linggo, pinayuhan ng Department of Trade and Industry (DTI) ang mga consumers na mag-stock na ng pang Noche Buena habang hindi pa gumagalaw ang presyo ng mga bilihin.
Ayon kay DTI Undersecretary Ruth Castelo, hindi naman agad nai-expire ang mga panghanda sa Pasko o Bagong Taon kaya puwede nang mamili.
“Ang advice natin sa consumers, marami pong mga Christmas products na hindi naman kaagad-agad nag-i-expire. So, sa panahon na ito kung kaya rin lang natin na mag-ipon na or mag-stock na ng mga ganitong produkto, puwede na tayong mamili habang hindi pa gumagalaw ang presyo,” ani Castelo sa Laging Handa press briefing.
Sinabi pa ni Castelo na tiyak na tataas ang presyo ng mga bilihin kaya mabuting mamili na ng maaga.
Pinayuhan din niya ang mga consumers na tingnan ang mga promo packs na naka-bundle dahil mas makakamura ang mga ito ng mula P20 hanggang P70.
Posibleng sa huling linggo ng Oktubre o sa unang bahagi pa ng Nobyembre maglalabas ng Noche Buena bulletin ang DTI bilang gabay sa mga mamimili kung magkano lang talaga ang dapat na presyo ng mga produkto na panghanda sa Noche Buena. (Daris Jose )
-
Ads August 26, 2020
-
Bumawi sa mga naging rebelasyon: KRIS, no regret na minahal si Dr. MIKE dahil sanay nang mabigo
BUMAWI si Queen of All Media Kris Aquino sa mga naging rebelasyon niya tungkol sa paghihiwalay nila ni Dr. Mike Padlan. In-edit kasi niya ang mahabang Instagram post noong March 16, 2025, kung saan nabanggit niyang break na sila ng doktor Nais daw nitong makapag-travel at kumawala mula sa responsibilidad sa pag-aalaga kay Kris. Say […]
-
PSC inilabas na ang P3.3-M pondo para sa lalahok ng Beijing Winter Olympics
INAPRUBAHAN ng Philippine Sports Commission (PSC) ang paglabas ng P3.3 milyon para sa mga lalahok sa Beijing Winter Olympics na magsisimula sa Pebrero 4. Kinumpirma ito ni Philippine Olympic Committee (POC) president Abraham Tolentino na siyang nag-request ng pondo. Tanging si Filipino-Americna alpine skier Asa Miller ang nag-iisang manlalaro ng bansa […]