Duterte galit na sa iringan sa Kamara
- Published on October 12, 2020
- by @peoplesbalita
NAGBANTA na si Pangulong Rodrigo Duterte sa Kongreso na kung hindi mareresolba ang iringan sa liderato sa House of Representatives na nagiging dahilan upang maipit ang panukalang P4.5-trilyon national budget para sa 2021 ay siya na ang kikilos.
Sa kanyang biglaang mensahe para sa bayan, sinabi ni Duterte na dapat maipasa ng legal at naaayon sa Konstitusyon ang pambansang pondo kung saan nakapaloob ang budget para sa COVID-19.
“Either you resolve the issue, sa impasse ninyo diyan and pass the budget legally and constitutionally, ‘pag hindi ginawa, ako ang gagawa para sainyo,” ani Duterte.
Sinabi rin ng Pangulo na huwag siyang idamay sa away dahil ang administrasyon niya ang sasalo sa hindi magandang nangyayari sa Kamara.
“Nakikiusap ako sa mga kasama ko sa gobyerno, yung hinalal lalo na, wag niyo na ako madamay. Ako gusto ko, kayo hindi. Diyan tayo magkaroon ng problema,” ani Duterte.
Nauna rito, ipinasa ng House sa ikalawang pagbasa ang panukalang batas pero agad ding sinuspendi ang sesyon hanggang Nobyembre 16 nang hindi naipapasa sa ikatlo at huling pagbasa upang maipasa sa Senado.
Sa Oktubre 17 pa dapat ang suspensiyon ng sesyon hanggang Nobyembre 15 base sa legislative calendar ng 18th Congress.
“If you do not solve the problem then I will solve the problem for you,” anang Pangulo sa Kongreso.
Sinabi pa ng Pangulo na hindi siya magbibigay ng timeline kung papaano reresolbahin ang isyu pero ipinunto na hindi dapat madamay sa girian ang serbisyo ng gobyerno. (Daris Jose)
-
Libreng sakay sa MRT3
INIHAYAG ng Department of Transportation (DOTr) na magbibigay ng libreng sakay sa mga pasahero ng Metro Rail Transit Line 3 (MRT) simula March 28 hanggang April 30 dahil tapos na ang ginawang rehabilitation ng buong MRT3. Nagkaroon ng inagurasyon noong nakaraang Martes ang rehabilitated na MRT 3 matapos ang nakalipas na dalawang (2) […]
-
DA, magkakaloob ng P5M pautang sa bawat meat vendor association ngayong panahon ng krisis
NAKAHANDA ang Department of Agriculture na magkaloob ng P5 milyong pisong halaga ng loan para sa mga meat vendors association . Sinabi ni DA Sec. William Dar, na layon nitong matulungan ang mga tindera ng baboy na magkaroon ng sapat na kapital ngayong panahon ng krisis. Aniya, magsisilbing zero interest ang pautang na […]
-
2 kelot arestado sa baril sa Caloocan
KALABOSO ang dalawang lalaki matapos makuhanan ng hindi lisensyadong baril makaraang magwala at masita sa paninigarilyo sa pampublikong lugar sa Caloocan City. Sa nakarating na ulat ni Caloocan police chief P/Col. Ruben Lacuesta, nagsasagawa ng foot patrol ang mga tauhan ng Caloocan Police Sub-Station 2 kahabaan ng 3rd Avenue, Brgy., 118, alas-9:00 ng […]