Duterte umaasang ‘di mas mapanganib ang bagong ‘monster’ na COVID-19 variant
- Published on January 15, 2021
- by @peoplesbalita
Nababahala umano si Pangulong Rodrigo Duterte matapos makapasok na sa Pilipinas ang bagong variant ng COVID-19.
Sa kanyang weekly address, sinabi ng Pangulong Duterte na umaasa itong hindi mas mapanganib ang bagong variant ng coronavirus na unang na-detect sa United Kingdom.
“And I pray to God, really, na sana hindi ito more dangerous, more toxic than the original COVID,” wika ng Pangulong Duterte.
“Yung ginagawang bakuna ngayon, kasi bago ito, titignan ng mga experts, mga doctor. They will raise the alarm sabi nga ni Doctor Duque ngayong gabi, pupuntahan nila to make sure para we can take steps to isolate, sequester, and maybe treat them para hindi na mapasa sa iba,” dagdag nito.
Dagdag pa ng presidente, mahalagang malaman kung sinu-sino ang mga nakasalamuha ng pasyente pagdating sa Pilipinas mula sa United Arab Emirates (UAE).
“Importante ito kung sino ‘yung mga tao na kinausap nila pagdating nila… Kaya lalabas itong [contact] tracing, ita-trace, hahanapin ‘yung mga tao tapos i-examine sila for their own good,” ani Duterte.
Iniulat ni Health Secretary Francisco Duque III na dumating sa Pilipinas ang pasyente na may UK variant noong Enero 7.
Nanggaling ito sa Dubai kasama ang kanyang nobya, na lumabas na negatibo sa coronavirus.
Sa kabila nito, isinailalim pa rin sa mahigpit na quarantine at monitoring ang partner ng pasyente. ( ARA ROMERO)
-
Ads October 2, 2020
-
P2.5B na first tranche para sa fuel subsidy, ipalalabas ng DBM ngayon- DBM Acting Sec. Canda
IPALALABAS ngayong araw ng Biyernes, Marso 11 ang P2.5 bilyong piso bilang first tranche ng fuel subsidy para sa mga driver o tsuper ng public utility vehicle (PUV). Tinatayang 377,000 driver o tsuper ang makikinabang sa subsidiya. “The receipt of the amount by the driver will depend on the speed by […]
-
NEW “TEENAGE MUTANT NINJA TURTLES” MOVIE “MUTANT MAYHEM” REVEALS TEASER TRAILER
FROM permanent teenager Seth Rogen, a new generation of heroes will rise…from the sewers. Watch the new teaser trailer for Teenage Mutant Ninja Turtles: Mutant Mayhem – Only in cinemas this August 2023. YouTube: https://youtu.be/P5XBy6lMfWE Facebook: https://facebook.com/watch/?v=1186827725366595&ref=sharing Paramount Pictures, Nickelodeon Movies, and Point Grey Productions present the all-new CG-animated theatrical film, Teenage Mutant Ninja Turtles: Mutant […]