• June 21, 2024
  • Ang Diyaryong Pinagkakatiwalaan

Economic essential workers dapat mabakunahan din sa second quarter ng 2021

TINITINGNAN ng pamahalaan na mabakunahan ang tinatawag na economic essential workers sa second quarter ng 2021.

 

Sinabi ni vaccine czar Secretary Carlito Galvez Jr. sa public address ni Pangulong Rodrigo Roa Duterte, Lunes ng gabi na ang mga economic frontliners ay kabilang din sa prayoridad ng gobyerno sa COVID-19 immunization drive.

 

“Ang ginawa po kasi sa Indonesia to protect the economy, prinarioty po nila ‘yong essential workers so ‘yon po ang titingnan po natin,” ayon kay Galvez.

 

Ani Galvez, inirekumenda ng mga Metro Manila mayors na isama ang mga economic frontliners sa prayoridad ng pamahalaan na mabakunahan.

 

“Kasi nakita po natin na ‘yong mga driver sa food industry, sa social services, at the same time, ‘yong life support services, kailangan maproteksiyunan po natin sila,” ang pahayag ni Galvez.

 

“Ito po mga mahihirap din po ito eh. ’Yon po ang recommendation ng ating mga communities and LGUs,” dagdag na pahayag nito.

 

Samantala, naglaan na ang Pilipinas ng P73.2 billion para sa gagawing pagbili ng bakuna kung saan P40 billion ay mula sa multilateral agencies, P20 billion ay mula sa domestic sources, at P13.2 billion naman ay mula sa bilateral agreements.

 

Target ng Pilipinas na mabakunahan ang 50 hanggang 70 milyong indibidwal ngayong taon at tinatayang 50,000 nama ang mababakunahan ngayong Pebrero.

 

Ang priority groups ay kinabibilangan naman ng mga frontline health workers, indigent senior citizens, natitirang indigent population at uniformed personnel.

 

Nauna rito, sinabi ni Galvez na ang vaccine manufactured ng American corporation Pfizer ay maaaring unang magamit na bakuna laban sa COVID-19 sa bansa lalo pa’t ang COVAX Facility ay nagkaroon na ng maagang rollout ng nasabing brand. (Daris Jose)

Other News
  • 62.69 MW ng kuryente, natipid ng Pinas sa Earth Hour 2023

    UMABOT sa kabuuang 62.69 megawatts (MW) ng kuryente ang natipid ng Pilipinas sa idinaos na Earth Hour 2023 noong Sabado.     Ayon sa Department of Energy (DOE), ang pinakamalaking electricity savings sa naturang one-hour switch-off ay naitala sa Luzon, na nakatipid ng 33.29 MW.     Sinundan ito ng Min­danao na may 20.5 MW […]

  • Pamahalaang Panlalawigan ng Bulacan, kinilala ang mga LGU at indibidwal sa larangan ng nutrisyon

    LUNGSOD NG MALOLOS – Bilang isa sa People’s Agenda 10 ni Gobernador Daniel R. Fernando, naging episyente at epektibo ang pagpapatupad ng universal health care o kalusugan para sa lahat kung kaya naman kinilala ang mga natatanging lokal na pamahalaan at ilang indibidwal sa larangan ng nutrisyon kasabay ng panapos na gawain para sa ika-48 […]

  • Pacquiao tutulak na sa Amerika

    Tutulak na pa-Amerika si eight-division world champion Manny Pacquiao sa susunod na linggo upang ipagpatuloy ang pukpukang ensayo sa Wild Card Gym sa Hollywood, California.     Nakatakdang umalis si Pacquiao sa Hulyo 3 para makasama sina Hall of Famer Freddie Roach at strength and conditioning expert Justine Fortune sa training camp doon.     […]