ECQ SA NCR PALALAWIGIN O HINDI, MAAGA PANG PAG-USAPAN
- Published on August 16, 2021
- by @peoplesbalita
SINABI ni Health Secretary Francisco Duque III na masyado pang maaga para pag-usapan kung palalawigin o hindi ang Enhanced Community Quarantine (ECQ ) sa National Capital Region (NCR).
Sa isang panayam, binigyan diin ng kalihim ang kahalagahan ng pagsunod sa minimum health standards matapos na sumirit ang bagong kaso ng mahigit 12,000 nitong nagdaang dalawang araw.
“Sa ngayon maaga pa para pag-usapan ‘yan ” pahayag ng kalihim na siya ring chair ng Inter-Agency Task Force on Emerging Infectious Diseases o IATF, ang kinatawan ng gobyerno sa paggawa ng patakaran sa pagtugon sa COVID-19 pandemic.
Ang NCR ay inilagya sa ECQ mula August 6 at magtatapos ito sa August 20 dahil na rin sa banta ng pagsirit ng kaso ng Delta variant ng COVID-19.
Tanging ang mga essential o mga APOR lamang ang pinapayagang lumabas o mag-travel.
Samantala, nais ng Department of Trade and Industry (DTI) na ang NCR ay mailagay sa ilalim ng isang hindi gaanong mahigpit na uri ng quarantine kapag tapos na ang dalawang linggong ECQ sa Agosto 20.
Ang hakbang ayon kay Trade Sec.Ramon Lopez ay mas maghanda ang gobyerno na balansehin ang ekonomiya at kabuhayan sa mga panganib sa kalusugan na nagmumula sa pagdagsa ng mga kaso ng COVID-19 dahil sa banta ng mas nakahahawang variant ng Delta.
Kaugnay nito, nanawagan si Duque sa local government units sa NCR na pagigtingin ang kanilang vaccination campaigm upang maabot ang herd immunity sa lalong madaling panahon.
“Nananawagan ako sa LGUs na talagang paigtingin ang ating vaccination campaign at para mas mabilis maabot ang herd immunity, mas lalong mabigyan ng proteksiyon mga mamamayan ng NCR,” wika ni Duque.
Ibinahagi ng kalihim na mahigit 40% ng residente sa NCR ang fully vaccinated ba laban sa COVID-19 base sa datos ngayon.
Sa kabilang banda, ang pigura sa buong bansa ay nasa 16%, ayon kay Duque
Kahapon ay muling nakapagtala ng mahigit sa 12 libong kaso o pinakamtaas na daily tally simula April 24.
Sa kabuuan nasa 1,700.363 na ang mga kaso ng COVID-19 sa bansa.
Ayon naman sa ulat ng OCTA Reasearch noong August 12, ang NCR ay nakapagtala ng reproduction number na 1.76 . (GENE ADSUARA)
-
PDU30, magsasalita sa UN General Assembly debate bukas, Setyembre 21
INAASAHAN na magsasalita si Pangulong Rodrigo Roa Duterte sa United Nations (UN) at isulong ang posisyon ng bansa sa mga usapin na may kinalaman sa pagtugon ng gobyerno ng Pilipinas sa coronavirus (COVID-19) at human rights. Ayon sa kalatas na ipinalabas ng Malakanyang, magsasalita ang Pangulo sa unang araw ng High-Level General Debate ng […]
-
242 na mga dayuhan pinagbawalang pumasok sa bansa
PINAGBAWALAN ng mga opisyal ng Bureau of Immigration (BI) na makapasok ng bansa ang may 242 na mga dayuhan na pinaghihinalaang illegal na magtratrabaho. Sinabi ni BI Commissioner Jaime Morente na ang pagbabawal ay kasunod nang pagbabalasa ng ilang opisyal sa NAIA mula sa kanilang kasalukuyang puwesto dahil sa nabulgar na “pastillas” scheme. […]
-
MAHIGIT 15 MILYONG PINOY ‘DI PA REHISTRADO SA PHILHEALTH
KINUMPIRMA ng isang opisyal ng Philippine Health Insurance Corp. (PhilHealth) na mahigit sa 15 milyong Pinoy ang hindi pa nakarehistro sa kanilang tanggapan. Ayon kay PhilHealth Vice-President Oscar Abadu Jr., hanggang nitong Setyembre 2020 ay nasa 94.9 milyon o 86.1% ng populasyon ng bansa, ang miyembro na ng state insurer habang nasa 15.2 milyon […]