Ex-Justice Chief Aguirre, itinurong utak ng ‘Pastillas’ scheme
- Published on March 3, 2020
- by @peoplesbalita
TULUYAN nang nabulgar sa Senado na si dating Justice Secretary Vitalliano Aguirre na siyang utak ng “Pastillas” modus sa Bureau of Immigration (BI) na pinalulusot ang Chinese nationals, kriminal man o hindi, sa airport kapalit ng halagang P10,000.
Sa pagpapatuloy ng imbestigasyon ng Senate committee on women, youth and gender equality sa pamumuno ni Senador Risa Hontiveros, sinabi ng kolumnistang si Mon Tulfo, nakuha niya ang naturang impormasyon kay Immigration whistleblower Allison “Alex” Chiong.
Sinabi ni Tulfo sa komite na base sa impormasyon ni Chiong, dinadala ang cut ni Aguirre sa P10,000 padulas sa kada Chinese nationals sa pamamagitan ng isang helicopter patungo sa tahanan ng dating opisyal sa Mulanay, Quezon.
“Siya po ang protektor ng sindikato base sa ni-report sa akin ni Mr. Chiong,” ayon kay Tulfo.
Nauna nang ibinulgar ni Chiong ang “Pastillas” scheme sa naturang komite sa mga naunang imbestigasyon hinggil sa kaugnayan ng Philippine Offshore Gaming Operators (POGOs) sa human trafficking, prostitution, kidnapping ng kababaihan at iba pang krimen.
Sinabi ni Chiong na nagbabayad ng halagang P10,000 kada ulo ang mga dumarating na Chinese nationals, kasabwat ang ilang matataas na opisyal ng BI na tinaguriang “boss” sa mga viber group.
Inilalagay umano ang naturang halaga sa ibang bond paper, saka pinaghahatian sa loob ng tanggapan ng BI sa Ninoy Aquino International Airport (NAIA).
Sa kanyang testimonya, inakusahan ni Tulfo si Aguirre na komopo sa kapangyarihan ni Immigration Commissioner Jaime Morente at inilagay sa kanyang kamay ang kapangyarihan na kumalap, magsibak at mag-reassign ng tauhan sa immigration.
Aniya, ito ang dahilan kung bakit nakapasok bilang opisyal sina Marc Red Mariñas – kilalang “protectors” sa immigration mafia at ama nitong si Maynardo Marinas sa ahensiya.
“Very obvious. Bakit i-a-assign mo ‘yung tatay at anak nasa immigration, holding key positions?” giit ni Tulfo.
Sinopla rin ni Tulfo ang nakababatang Marinas na hindi nito nalalaman ang ‘Pastillas” scheme sa BI nang manilbihan ito bilang hepe ng port operations division noong 2016.
Naunang pinabulaanan ni Marinas ang paratang nina Chiong at Tulfo saka kategoryang sinabi nito kay Hontiveros na nagsi-sinungaling sila.
Inamin naman ni Chiong na tumanggap siya ng bahagi ng “pastillas’ scheme na umaabot sa P20,000 kada linggo para sa nakatalaga sa NAIA Terminal 1 at P8,000 kada linggo din sa Terminal 3. Hindi niya alam ang hatian sa Terminal 2 dahil hindi siya naitalaga doon.
Samantala, sinabi naman ni Marinas sa komite ni Hontiveros na walang nangyayaring “pastillas” modus noong panahon niya sa Immigration.
“Noon pong panahon ko, wala pong pastillas scheme na nangyayari. ‘Di ko po alam ang pastillas scheme na binabanggit ni Mr. Allison Chiong,” aniya.
Dahil dito, sinabi ni Marinas na nagsisinungaling si Chiong sa tanong ni Hontiveros.
“So ibig niyo pong sabihin, nagsisinungaling si Mr. Chiong?” tanong ni Hontiveros.
“Yes, your honor,” ayon kay Marinas.
-
BOXING’S OLDEST CHAMPION “BIG GEORGE FOREMAN” IMMORTALIZED ON THE BIG SCREEN ONLY AT AYALA MALLS CINEMAS
SPORTS and movie fans are about to score an experience of a big win punch exclusive at Ayala Malls Cinemas with the upcoming sports biopic “Big George Foreman” starting on May 10. Big George Foreman: The Miraculous Story of the Once and Future Heavyweight Champion of the World, directed by George Tillman Jr. […]
-
Mahigit $300-M tulong para sa modernisasyon ng military forces ng PH, exempted sa US foreign aid freeze
INANUNSYO ni Philippine Ambassador to the United States Jose Manuel Romualdez na in-exempt ng administrasyong Donald Trump ang $336 million pondo para sa modernisasyon ng military forces ng Pilipinas mula sa U.S. foreign aid freeze. Ang naturang pahayag ay matapos ang isang pulong balitaan ngayong Lunes matapos kumpirmahin ni Romualdez na natanggap nila ang pahayag ng […]
-
Nabiktima nang i-prank call sa paglipat sa GMA: PIOLO, sinabihan si BEA ng ‘Adik ka. Yun na yun?!’
TAGUMPAY ang prank calling ni Bea Alonzo sa kanyang kapatid na James at sa mga kaibigan, na kinabibilangan nina Kakai Bautista, Mark Nicdao, Piolo Pascual at Vice Ganda. Last April Fool’s Day, nasa bahay lang daw si Bea at walang magawa. At mag-check siya sa comment section ng YouTube channel may suggestion na […]