F1 driver Lance Stroll, ibinunyag ang pagpositibo sa COVID-19

IBINUNYAG ni Canadian Formula One driver Lance Stroll na ito ay nagpositibo sa coronavirus.

Nangyari aniya ito pagkatapos ng Eifel Grand Prix noong Oktubre 11.

Dahil aniya sa pangyayari ay hindi na ito nakasali sa karera sa Nueburgring kaya pinalitan siya ni Nico Hulkenberg ng Germany.

Dahil sa kaniyang paggaling ay pinayagan na ito ng makalahok sa Portugal ngayong darating na weekend.

Pangalawa si Stroll sa mga Formula One driver na nagpositibo sa coronavirus na ang una ay ang team mate nitong si Sergio Perez ng Mexico na dinapuan ng virus noong Agosto.