FACE SHIELD, POSIBLENG IBALIK

POSIBLENG ibalik ang paggamit ng faceshield  bilang dagdag proteksyon laban sa bagong variant mula sa COVID-19.

Ang re-implementation ng polisiya  na nagre-require ng mandatory use ng faceshieds sa pampublikong lugar ay ikinokonsidera ngayon  ng National Task Force on coronavirus disease  (COVID-19)  sa gitna ng pagsulpot ng isa pang variant mula sa South Africa, ang Omicron o B.1.1.529 variant.

Ito ang ipinahayag ni Sec. Carlito Galvez,vaccine czar at chief implementer ng National Task Force  (NTF) Againts COVID-19 nitong Nov.28

Ito ay kasunod ng detection ng nasabing bagong variant  sa ilang African at European countries na nagdulot ng panic sa mundo  at paghihigpit ng restrictions.

Sinabi ni Galvez na maging si Health Sec. Francisco Duque III ay pabor sa nasabing ideya.

Ayon kay Duque, titingnan ang posibilidad na maibalik ang proteksyon na puwedeng gamitin .

Maaalala na inaprubahan ni Pangulong Rodrigo Duterte ang pag-alis sa paggamit ng faceshield noong Nov.15 sa mga lugar na nasa ilalim ng Alert Level 1 hanggang Alert Level 3.  GENE ADSUARA