Face to face classes, aprub sa PTA
- Published on July 12, 2022
- by @peoplesbalita
SANG-AYON pa rin ang National Parent-Teacher Association Philippines (PTA) na maipatupad na ang face-to-face classes sa susunod na pasukan, sa kabila nang patuloy na tumataas na mga kaso ng COVID-19 sa bansa.
Ayon kay PTA president Willy Rodriguez, base sa resulta ng isinagawa nilang online survey, 100% ng mga respondents ang nais nang ibalik ang face-to-face classes sa pribado at pampublikong paaralan.
Sinabi ni Rodriguez na halos wala ring natututunan ang mga mag-aaral sa online classes at apektado ang kanilang social life dahil hindi sila nakakalabas ng bahay.
Marami na rin naman aniyang mga mag-aaral ang bakunado na laban sa COVID-19.
Sa ngayon, hindi naman requirement ang COVID-19 vaccination sa mga mag-aaral para makadalo sa face-to-face classes, ngunit mandatory ito sa mga school personnel upang makapagturo ng in-person classes sa public schools, ayon na rin mismo kay dating DepEd Secretary Leonor Briones.
Iminungkahi naman ni Rodriguez na kung matutuloy ang face-to-face classes ay ihiwalay na lamang ang mga hindi bakunado, sa mga bakunadong mag-aaral, habang ang mga hindi bakunadong guro ay maaari aniyang magturo sa hybrid setup.
Una nang sinabi ni Pang. Marcos Jr. na target ng DepEd na magkaroon ng full implementation ng in-person classes hanggang sa Nobyembre.
Ayon naman sa DepEd, nasa 38,000 paaralan na ang handa sa pagdaraos ng face-to-face classes para sa School Year 2022–2023, na inaasahang magsisimula sa Agosto 22. (Daris Jose)
-
Olympic meeting sa Beijing kinansela dahil sa banta ng covid-19
Kinansela ang gagawing sports conference ng mga Olympic stakeholder sa Beijing dahil sa coronavirus outbreak. Dahil dito ang nasabing pagpupulong na gaganapin mula Abril 19 hanggang 24 ay gagawin na lamang sa Lausssane, Switzerland. Magpapalitan kasi ng mga idea ang mga iba’t ibang sports governing bodies tatlong buwan bago ang gaganaping Tokyo Olympics. […]
-
Dahil hindi alam kung saan dadalhin ang trophy: SHARON na nagwaging Best Actress, wanted sa GEMS Awards
WANTED ng GEMS (Guild of Educators, Mentors and Students) si Megastar Sharon Cuneta. Si Sharon kasi ang best actress winner ng GEMS Awards para sa Revirginized, ang unang Vivamax movie ng aktres. Gusto sana nila tanungin si Ate Shawie kung saan nila pwede ihatid ang kanyang trophy. Kaso kababalik […]
-
PAGSISIYASAT SA DI PAGBABAYAD NG VENUE SA DEBATE, TINATAPOS NA
INAASAHAN ng Commission on Elections (Comelec) na matatapos ngayong linggo ang pagsisiyasat nito sa kabiguan ng kasosyo nito na magbayad sa hotel na ginamit bilang venue para sa presidential at vice presidential debate nito, sinabi ng isang poll official noong Linggo. Sinabi ni Comelec Commissioner George Garcia na pinangunahan ni Commissioner Rey Bulay […]